+7 (701) 759 90 19
-7 °С : نۇر-سۇلتان
-10 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

الماتىدا جازۋشى جۇماباي شاشتاي ۇلىنىڭ «قىزىل قار» رومانىنىڭ تۇساۋى كەسىلدى

16 قازان 15:05
:ءبولىسۋ
الماتىدا جازۋشى جۇماباي شاشتاي ۇلىنىڭ «قىزىل قار» رومانىنىڭ تۇساۋى كەسىلدى

الماتى. قازاقپارات- الماتىدا بەلگىلى جازۋشى جۇماباي شاشتاي ۇلىنىڭ «قىزىل قار» اتتى رومانىنىڭ تۇساۋكەسەرى ءوتتى، دەپ حابارلايدى قازاقپارات ءتىلشىسى.

شاراعا ق ر اقپارات جانە قوعامدىق دامۋ ءمينيسترى ايدا بالايەۆا، «قىزىل قار» رومانىنىڭ اۆتورى، بەلگىلى جازۋشى جۇماباي شاشتاي ۇلى، ءبىرقاتار رەسپۋبليكالىق بۇقارالىق اقپارات قۇرالدارىنىڭ باسشىلارى، جازۋشىلار، عالىمدار مەن زيالى قاۋىم وكىلدەرى قاتىستى.


مينيستر جۇماباي شاشتاي ۇلىنىڭ ومىردە دە، كوركەم ادەبيەتتە دە شىنايى پوزيتسيانى ۇستاناتىن ازامات، سونىمەن بىرگە ەل جۋرناليستيكاسىنىڭ دامۋىنا ءوز ۇلەسىن قوسقان جۋرناليست ەكەندىگىن اتاپ ءوتتى. «قىزىل قار» اتتى دەبيۋتتىك شىعارماسى سوناۋ كەڭەس ءداۋىرى كەزەڭىندە جازىلىپ، سول تۇستا سىنعا ىلىككەنىن بىلەمىز»، - دەدى ايدا بالايەۆا.

اۆتوردىڭ ايتۋىنشا، «قىزىل قار» رومانى 1984 -جىلى جازىلعان. كەڭەس ۇكىمەتىنىڭ سىنىنا ۇشىراعان شىعارما اراعا 36 جىل سالىپ جارىققا قايتا شىقتى.


«1984 -جىلى شىققان بولاتىن، ەكى ايدان كەيىن قازاقستان كومپارتياسىنىڭ ورتالىق كوميتەتى ۇلكەن جۋرناليستەردىڭ جيىنىندا قاتتى سىنادى. سەبەبى، مەن مال شارۋاشىلىعىنىڭ قيىندىعىن، مالدىڭ قىرلعانىن، اش قويلار ءبىر- ءبىرىنىڭ ءجۇنىن جەگەنىن اشىق جازدىم. سوندىقتان، ونىڭ تارالۋىنا جول بەرمەدى. اللاعا شۇكىر! مىنەكەي اراعا جىلدار سالىپ رومان بولىپ قايتا جارىققا شىقتى. مازمۇنىن جوعالتپاي، وزگەرىستەر ەنگىزىپ رومان ەتىپ شىعاردىم. بۇل جەردە ەكى دوستىڭ ءومىرى باياندالادى. ياعني، بىرەۋى قوي باعىپ اۋىلدا قالادى، ەكىنشىسى وقۋعا ءتۇسىپ قالاعا كەتەدى. ەكەۋىنىڭ ءومىرىن سالىستىرمالى تۇردە كورسەتتىم»، - دەيدى جۇماباي شاشتاي ۇلى.


جازۋشى سماعۇل ەلۋبايدىڭ پىكىرىنشە، جۇماباي شاشتاي ۇلى - تۋما تالانت. «جۇماباي شاشتاي ۇلىنىڭ ەرەكشەلىگىنە كەلەتىن بولساق، ول - قالىڭ حالىقتىڭ، قازاقتىڭ ءداستۇرلى كاسىبىمەن اينالىسقان شوپاننىڭ بالاسى. ول سول ءومىردى سۋرەتتەۋ ارقىلى قازاق دەگەن حالىقتىڭ سول كەزدەگى مۇڭ- مۇقتاجىن، كەيپىن، بەينەسىن جاسادى. ونى حالىقتان ءبولىپ الۋعا بولمايدى. ول - تۋما تالانت. جۇماباي شاشاتاي ۇلى 70 جاسقا ابىرويمەن كەلدى. تۋعان كۇنى قۇتتى بولسىن!»، - دەدى .

1000 دانامەن شىققان «قىزىل قار» رومانى جۋىق ارادا كىتاپحانالار مەن كىتاپ دۇكەندەرىنە تاراتىلادى.

اۆتور: الما مۇقانوۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات