+7 (701) 759 90 19
7 °С : نۇر-سۇلتان
14 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

شىن بانكنوتتى جالعان بانكنوتتان قالاي اجىراتۋعا بولادى

16 قازان 14:38
:ءبولىسۋ
شىن بانكنوتتى جالعان بانكنوتتان قالاي اجىراتۋعا بولادى

الماتى. قازاقپارات - بانكنوتتاردىڭ قورعانىس ەلەمەنتتەرى تۋرالى ۇلتتىق بانكتىڭ قولما- قول اقشا اينالىسى دەپارتامەنتىنىڭ بانكنوتتار مەن مونەتالار ساراپتاما باسقارماسىنىڭ باستىعى اسحات ابىشيەۆ تۇسىنىكتەمە بەردى، دەپ حابارلايدى قازاقپارات.

شىن بانكنوتتى جالعان بانكنوتتان اجىراتۋ ءۇشىن ولاردىڭ ءتۇپنۇسقالىعىنىڭ بىرنەشە بەلگىلەرىن ءبىلۋ جەتكىلىكتى. ەلىمىزدەگى جالعان بانكنوتتاردىڭ نەگىزگى بولىگى ءتۇپنۇسقالىقتىڭ كەيبىر بەلگىلەرىن عانا يميتاتسيالايتىن جەڭىلدەتىلگەن تەحنولوگيا بويىنشا شىعارىلادى.

اسحات ابىشيەۆتىڭ ايتۋىنشا، مۇنداي قولدان جاسالعان بانكنوتتى ارنايى جابدىقتىڭ كومەگىنسىز- اق «سەزىن - قارا - اۋدارىپ كور» ءادىسىن قولدانۋ ارقىلى انىقتاۋعا بولادى. «الدىمەن بانكنوتتى ۇستاپ سەزىنۋ قاجەت. بانكنوت قاعازى ەرەكشە شىتىرلايدى. بارلىق بانكنوتتاردا بەدەر بەرەتىن ارنايى ءمور باسىلعان. ەگەر «قازاقستان ۇلتتىق بانكى» دەگەن اتاۋى نەمەسە ارحيتەكتۋرالىق بەينەلەر، قازاقستاننىڭ كارتاسى بويىنشا ساۋساقپەن جۇرگىزىپ كورسە بەدەردى سەزۋگە بولادى.


سونىمەن قاتار، بارلىق بانكنوتتاردا كوزى ناشار كورەتىن ادامدارعا ارنالعان بەلگىلەر بار، ولار بانكنوتتىڭ تومەنگى بولىگىندە ورنالاسقان. بۇلار - ۇستاپ كورگەندە جاقسى اجىراتۋعا بولاتىن جوعارى بەدەرلى ەلەمەنتتەر.


ەكىنشىدەن بانكنوتقا مۇقيات قاراۋ قاجەت. باستاپقىدا اقشا بەلگىسىنىڭ تازا، ايقىن، كونتراستتى نەمەسە لاس بولۋىن، داقتارىنىڭ بولۋىن جالپى كوزبەن كورىپ زەردەلەۋ قاجەت. بانكنوتتى جارىققا قاراتىپ، اڭىزداعى «سامۇرىق» قۇسى تۇرىندەگى سۋ بەلگىسىن جانە نومينالدىڭ ساندىق بەينەسىن كورۋگە بولادى. ءدال وسى سياقتى، جازۋلارى بار نۇكتەلىك سىزىقتار تۇرىندە قاعاز بەتىندە پايدا بولاتىن ماگنيتتى (مەتالداندىرىلعان) ۇزىك ءجىپتى تەكسەرۋ قاجەت. ول ءبىرتۇتاس بولۋى كەرەك.


ۇشىنشىدەن، بانكنوتتى اۋدارىپ كورۋ كەرەك. 1000 تەڭگەدەن 20000 تەڭگەگە دەيىنگى بانكنوتتاردا بانكنوتتىڭ كولبەۋ بۇرىشىنا قاراي ءتۇسىن جاسىلدان التىنعا تۇستەسكە وزگەرتەتىن ەرەكشە ەلەمەنت بار. بانكنوتتى ءار ءتۇرلى بۇرىشتاردا باياۋ بۇرعان كەزدە ەلەمەنت بويىمەن ءتۇستى جولاقتىڭ قوزعالىسىن كورۋگە بولادى.


2000 جانە 5000 تەڭگەلىك بانكنوتتاردىڭ سىرت جاعىندا گولوگرافيالىق جولاق بار. گولوگرامماداعى سۋرەتتەر جارقىرايدى جانە ديناميكالىق اسەر ەتەدى. بۇل ءۇش ءادىس سىزگە بانكنوتتىڭ شىنايىلىعىن ارنايى جابدىقسىز انىقتاۋعا كومەكتەسەدى»، - دەيدى بانكنوتتار مەن مونەتالار ساراپتاما باسقارماسىنىڭ باستىعى.


اۆتور: گۇلزات اقجولوۆا


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات