+7 (701) 759 90 19
6 °С : نۇر-سۇلتان
15 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

قازاقستانداعى دارىگەرلەر تاپشىلىعى: قانداي ماماندار جەتىسپەيدى

16 قازان 13:52
:ءبولىسۋ
قازاقستانداعى دارىگەرلەر تاپشىلىعى: قانداي ماماندار جەتىسپەيدى

نۇر- سۇلتان. قازاقپارات - قازاقستاندا 4122 شتاتتىق ورىنعا دارىگەرلەر قاجەت. بۇل تۋرالى ق ر د س م رەسپۋبليكالىق دەنساۋلىق ساقتاۋدى دامىتۋ ورتالىعىنىڭ باس ديرەكتورى قانات توسەكبايەۆ مالىمدەدى، دەپ حابارلايدى قازاقپارات ءتىلشىسى.

«بيىل 15- شىلدەدە 5201 شتاتتىق ورىندا مەدينيتسالىق كادر تاپشىلىعى بولعان ەدى. اسىرەسە قوستاناي وبلىسىنا ماماندار اسا قاجەت بولدى، 624 شتاتتىق ورىن بوس تۇردى. جاس مامانداردى وڭىرلەرگە جىبەرگەن سوڭ كادر تاپشىلىعى ماسەلەسى جاقسارىپ كەلەدى. ماسەلەن، 10 قىركۇيەكتەگى جاعداي بويىنشا 1079 ورىنعا مامان كەلىپ، كادر تاپشىلىعى 4122 ورىنعا دەيىن ازايدى»، - دەدى ق. توسەكبايەۆ ورتالىق كوممۋنيكاتسيالار ورتالىعىندا وتكەن ونلاين بريفينگتە.

ونىڭ ايتۋىنشا، قازاقستاندا انەستەزيولوگ- رەانيماتولوگ، تەراپيەۆت، جالپى پراكتيكالىق دارىگەر، زەرتحاناشى دارىگەر، اكۋشەر- گينەكولوگ، ينفەكتسيالىق دارىگەرلەر جەتىسپەي جاتىر. ورتاشا مەديتسينالىق قىزمەتكەرلەر اراسىندا 8583 بوس ورىن بار.

«رەسمي دەرەك بويىنشا، قازىر دەنساۋلىق ساقتاۋ جۇيەسىندە 253883 قىزمەتكەر جۇمىس ىستەيدى. ونىڭ ىشىندە 74046 دارىگەر، 179 مىڭنان استام ورتا مەديتسينالىق قىزمەتكەر بار. 16 مىڭنان استام دارىگەر جەكە مەديتسينالىق ۇيىمداردا جۇمىس ىستەيدى. بۇگىندە ەلىمىزدە 9464 جالپى پراكتيكالىق دارىگەر بار. ولار جالپى دارىگەرلىك پەرسونالدىڭ 13,2 پايىزىن قۇرايدى. جالپى پراكتيكالىق دارىگەرلەردىڭ ەڭ كوبى تۇركىستان وبلىسىندا (1205 مامان) جۇمىس ىستەيدى. سونىمەن بىرگە، تەراپيەۆتەر مەن پەدياترلار سانى باسىم»، - دەيدى ق. توسەكبايەۆ.

وتكەن جىلمەن سالىستىرعاندا دارىگەرلىك كادر 1,5 پايىزعا، ورتاشا مەديتسينالىق قىزمەتكەرلەر - 2,6 پايىزعا ارتقان.

«مەديتسينالىق كادرمەن قامتۋ دەڭگەيىنە كەلسەك، نۇر- سۇلتان مەن الماتى قالالارىندا قامتۋ كورسەتكىشى جوعارى. ال دارىگەر جەتىسپەيتىن وڭىرلەر اراسىندا اقمولا، الماتى، اتىراۋ، جامبىل، قوستاناي جانە تۇركىستان وبلىستارى بار. دارىگەرمەن قامتۋ كورسەتكىشى وڭىرلەر اراسىندا 24,5-75,5 تۇرلەنەدى. ياعني، بۇل وڭىرلەر اراسىندا رەسۋرس بولۋدە تەڭگەرىم جوقتىعىن كورسەتەدى. ەڭ الدىمەن بۇل مەديتسينالىق ۇيىمدار جەلىسىن دامىتۋ، مەديتسينالىق قىزمەتكەرلەرگە جاعداي جاساۋ سىندى بىرنەشە فاكتورلارمەن بايلانىستى. قالا مەن اۋىل اراسىندا دا كادرلىق رەسۋرستىڭ ديسبالانسى ەداۋىر بايقالدى. پاندەميا مەن كوروناۆيرۋس ينفەكسياسى بۇل باعىتتا دا وزەكتى ماسەلە بارىن كورسەتتى»، - دەيدى سپيكەر.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات