+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

ەلوردادا كوروناۆيرۋسپەن اۋىرعان ايەلدەر ۇلەسى جوعارى

16 قازان 12:55
:ءبولىسۋ
ەلوردادا كوروناۆيرۋسپەن اۋىرعان ايەلدەر ۇلەسى جوعارى

نۇر-سۇلتان. قازاقپارات - ەلوردادا كوروناۆيرۋسپەن اۋىرعاندار اراسىندا ايەلدەر ۇلەسى جوعارى بولىپ وتىر.

بۇل تۋرالى نۇر-سۇلتان قالالىق تاۋارلار مەن كورسەتىلەتىن قىزمەتتەردىڭ ساپاسىن جانە قاۋىپسىزدىگىن باقىلاۋ دەپارتامەنتىنىڭ باسشىسى زەكەن ىسقاقوۆ ايتتى، دەپ حابارلايدى قازاقپارات ءتىلشىسى.

«نۇر-سۇلتان قالاسىندا 13-ناۋرىز بەن 14-قازان ارالىعىندا COVID-19 دىڭ 14234 جاعدايى تىركەلدى. جاس قۇرىلىمى بويىنشا COVID-19 جۇقتىرعان 40 تان 65 جاسقا دەيىنگى ادامدار سانىنىڭ ءوسۋى بايقالادى. قازىرگى ۋاقىتتا كوروناۆيرۋس اۋرۋى جاعدايلارىن تىركەۋ جالعاسۋدا. تاۋلىگىنە 3 تەن 20 عا دەيىن جاعداي تىركەلەدى. ەرسەكتەر اراسىندا دا، مەكتەپ جاسىنداعى بالالار اراسىندا دا تىركەلۋ بار. سوڭعى 4 كۇندە رەپرودۋكتيۆتىلىك سانى بىردەن جوعارى بولىپ وتىر. بۇل قالاداعى كارانتين شارالارىن جەڭىلدەتۋگە مۇمكىندىك بەرمەيدى. 9 ايدىڭ ىشىندە اۋىرعان ايەلدەردىڭ ۇلەسى ارتىپ، 53 پايىزعا جەتتى»، - دەدى ول.

وسى ورايدا دەپارتامەنت باسشىسى COVID-19 ۆيرۋسىنىڭ الدىن الۋ ءۇشىن 2020 -جىلدىڭ 13 -قازانىندا نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ ەلوردادا شەكتەۋ شارالارى مەن كارانتين ءتارتىبىن كۇشەيتۋ تۋرالى №243-جاڭا قاۋلىسى شىققانىن ايتتى.

«اتالعان قاۋلىعا سايكەس، بيزنەس- ورتالىقتار جۇمىس جانە دەمالىس كۇندەرى ساعات 9:00 دەن 18:00 گە دەيىن قىزمەت ەتەدى. دەمالىس كۇندەرى ولاردا ورنالاسقان ازىق-تۇلىك ەمەس تاۋارلار مەن زاتتار ساتاتىن دۇڭگىرشەكتەردىڭ (بولىمدەردىڭ) جۇمىسىنا تىيىم سالىنادى. قوعامدىق تاماقتاندىرۋ وبەكتىلەرىنىڭ جۇمىسى ورنالاسقان جەرىنە قاراماستان ساعات 22:00 گە دەيىن بەلگىلەنەدى»، - دەدى زەكەن ىسقاقوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات