+7 (701) 759 90 19
7 °С : نۇر-سۇلتان
14 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

ءماجىلىس دەپۋتاتتارى قىتايلىق ارىپتەستەرىمەن ونلاين كەزدەسۋ وتكىزدى

16 قازان 11:10
:ءبولىسۋ
ءماجىلىس دەپۋتاتتارى قىتايلىق ارىپتەستەرىمەن ونلاين كەزدەسۋ وتكىزدى

نۇر-سۇلتان. قازاقپارات - ءماجىلىس ءتوراعاسىنىڭ ورىنباسارى گۇلميرا يسيمبايەۆا بۇكىل قىتايلىق حالىق وكىلدەرى جينالىسى تۇراقتى كوميتەتى ءتوراعاسىنىڭ ورىنباسارى ۆان چەنمەن ونلاين- كەزدەسۋ وتكىزدى، دەپ حابارلايدى قازاقپارات تومەنگى پالاتانىڭ باسپا ءسوز قىزمەتىنە سىلتەمە جاساپ.

تاراپتار اڭگىمەلەسۋ بارىسىندا ەكىجاقتى ىنتىماقتاستىقتىڭ، حالىقارالىق ۇيىمدارداعى ءوزارا ءىس- قيمىلدىڭ جانە وڭىردەگى قازىرگى احۋالدىڭ كەڭ اۋقىمدى ماسەلەلەرى بويىنشا پىكىر الماستى. سونداي- اق 2022 -جىلى 30 جىلدىعى اتاپ وتىلەتىن ەكىجاقتى قارىم-قاتىناستاردىڭ قارقىندى جانە ۇدەمەلى دامۋى تۋرالى ايتتى.

ءماجىلىس ءتوراعاسىنىڭ ورىنباسارى نۇر-سۇلتان مەن بەيجىڭ اراسىندا ديپلوماتيالىق قارىم- قاتىناس ورناعان 28 جىل ىشىندە قارقىندى ساياسي ديالوگ پەن تەرەڭ ەكونوميكالىق بايلانىستار ورناپ، جان-جاقتى ءوزارا ءىس- قيمىل سەرپىندى دامىپ كەلە جاتقانىنا توقتالدى.

گۇلميرا يسيمبايەۆا اڭگىمەلەسۋ بارىسىندا بۇل ەكى ەل كەشباسشىلارىنىڭ ەڭبەگى ەكەنىن، قازاقستان- قىتاي قارىم- قاتىناستارىنىڭ قالىپتاسۋى مەن نىعايۋىندا قازاقستاننىڭ تۇڭعىش پرەزيدەنتى، ەلباسى نۇرسۇلتان نازاربايەۆتىڭ ەرەكشە ءرولىن اتاپ ءوتتى.

ال مەملەكەت باسشىسى قاسىم- جومارت توقايەۆتىڭ ساپارى جانە سول رەسمي ساپار بارىسىندا بىرلەسكەن مالىمدەمەگە قول قويىلۋى قازاقستان- قىتاي قاتىناستارىنىڭ جاڭا ءداۋىرىنىڭ باستالۋى ەكەنىنە نازار اۋداردى.

ءوز كەزەگىندە قىتاي پارلامەنتىنىڭ وكىلى قازاقستانمەن ەكىجاقتى ىنتىماقتاستىقتى ودان ءارى نىعايتۋعا ۇلكەن قىزىعۋشىلىق تانىتىپ، ولاردى «قازىرگى زامانعى حالىقارالىق قاتىناستارداعى دوستىق پەن تاتۋ كورشىلىكتىڭ ەتالونى» دەپ اتادى. ەكونوميكالىق ءوزارا ءىس- قيمىل تۋرالى اڭگىمە بارىسىندا تاراپتار ق ح ر- نىڭ «ءبىر بەلدەۋ - ءبىر جول» باستاماسىنا جانە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ «نۇرلى جول» باعدارلاماسىنا ۇلكەن كوڭىل بولىنەتىنىن مالىمدەدى.

بۇدان باسقا وتىرىستا كوروناۆيرۋستىق ينفەكسيا پاندەمياسىنىڭ تەرىس سالدارىن ازايتۋ بويىنشا تاجىريبە الماسۋ ءۇشىن ەكى ەلدىڭ كۇش- جىگەرىن ۇيلەستىرۋدىڭ ماڭىزدىلىعى اتاپ ءوتىلدى. وسىعان بايلانىستى قىتاي ۆيتسە-سپيكەرى قازاقستاننىڭ ەلدەگى ەپيدەميالىق جاعدايدىڭ شيەلەنىسۋى كەزەڭىندە كورسەتكەن كومەگى ءۇشىن العىس ايتىپ، COVID-19 ىندەتىنە قارسى جاڭا ەكپە ازىرلەپ، ونى سىنامادان وتكىزگەنى تۋرالى حابارلادى. ءوز كەزەگىندە گۇلميرا يسيمبايەۆا قىتاي دارىگەرلەرىنە كونسۋلتاتيۆتىك جانە تاجىريبەلىك كومەك كورسەتكەنى ءۇشىن ريزاشىلىعىن ءبىلدىردى.

سونىمەن قاتار، تاراپتار ەكونوميكانى تسيفرلاندىرۋ، جاساندى ينتەللەكت، اۋىل شارۋاشىلىعى، دەنساۋلىق ساقتاۋ، كولىك جانە باسقا دا سالالارداعى ىنتىماقتاستىقتى ودان ءارى كەڭەيتۋ قاجەتتىگىن اتاپ ءوتتى. اڭگىمەلەسۋ بارىسىندا ەكى ەلدىڭ زاڭ شىعارۋشى ورگاندارىنىڭ سىندارلى جانە سەرپىندى ديالوگ ىسىندەگى ماڭىزدى ءرولى اتاپ ءوتىلدى. كەزدەسۋگە ءماجىلىس دەپۋتاتتارى مۇحتار ەرمان مەن قۋانىش سۇلتانوۆ قاتىستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات