نەمىس عالىمدارى كوروناۆيرۋس جۇقتىرۋ قاۋپى جوعارى قان توپتارىن انىقتادى

None
None
بەرلين. Deutsche Welle-قازاقپارات - عالىمدار COVID-19 بەن قان توپتارى اراسىنداعى بايلانىستى كورسەتەتىن ەكى جاڭا زەرتتەۋ جۇرگىزدى، دەپ حابارلايدى قازاقپارات Deutsche Welle اگەنتتىگىنە سىلتەمە جاساپ.

عالىمدار يتاليا مەن يسپانيادان كەلگەن كوروناۆيرۋسپەن اۋىراتىن 1610 پاتسيەنتتى زەرتتەدى. ولاردىڭ دنق مولەكۋلالارى زەرتتەلدى.

انىقتالعانداي، II قان توبىنداعى ادامداردا (قازىرگى كلاسسيفيكاتسياعا سايكەس ونى ا قان توبى دەپ تە اتايدى) COVID-19 قاۋپى ايتارلىقتاي جوعارى. اتاپ ايتقاندا، I قان توبىنداعى ادامدارمەن (قازىرگى كلاسسيفيكاتسياعا سايكەس 0 قان توبى) سالىستىرعاندا ەكى ەسە كوپ. ءبىرىنشى قان توبىنداعى ادامدارعا كەلەتىن بولساق، جاڭا دەرەكتەر ولاردىڭ كوروناۆيرۋسقا قارسى يممۋنيتەتىن مۇلدەم كورسەتپەدى، بۇل ولاردىڭ COVID-19 ۆيرۋسىنىڭ اۋىر تۇرىمەن اۋىرىپ شىعۋ قاۋپى بارىنشا از ەكەنىن بىلدىرەدى.

ال III جانە IV قان توبىنداعى نەمەسە قازىرگى كلاسسيفيكاتسيا بويىنشا ۆ جانە ا ب توپتارىنداعى كوروناۆيرۋس جۇقتىرعان ناۋقاستاردا COVID-19 ۆيرۋسىمەن اۋىرۋدىڭ ايقىن تەندەنسياسى بايقالمايدى. 14-قازاندا Blood Advances مامانداندىرىلعان باسىلىمىندا تاعى ەكى زەرتتەۋدىڭ ناتيجەلەرى جاريالاندى. نەمىس جانە نورۆەگ عالىمدارى كوروناۆيرۋستى جۇقتىرعان جاعدايدا I قان توبىنداعى ادامداردا اۋرۋ جەڭىل تۇردە جۇرەدى دەگەن تۇجىرىمدارىن راستادى.

گراتس مەديتسينالىق ۋنيۆەرسيتەتىنىڭ عالىمدارى قازىر مۇنىڭ سەبەبىن بىلۋگە تىرىسىپ جاتىر.

اۆتور: اياۋلىم التىنبەك

سوڭعى جاڭالىقتار