+7 (701) 759 90 19
11 °С : نۇر-سۇلتان
17 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

التايعا قايتا ورالعان سيرەك قۇس

16 قازان 09:56
:ءبولىسۋ
التايعا قايتا ورالعان سيرەك قۇس

نۇر-سۇلتان. قازاقپارات - بيىل التايدا كوپ جىلدان بەرى ۇشىراسپاي كەتكەن ەكى قۇس قايتا پايدا بولىپتى.

قۇستاردى كاتونقاراعاي ۇلتتىق تابيعي پاركىنىڭ عىلىم، ەكولوگيالىق مونيتورينگ جانە اقپارات ءبولىمىنىڭ قىزمەتكەرى ۆلاديمير ۆوروبيەۆ فوتوعا ءتۇسىرىپ تە العان ەكەن.

پارك قىزمەتكەرى ۆلاديمير ۆوروبيەۆ التايدىڭ اڭ- قۇستارىن سۋرەتكە تۇسىرۋمەن، زەرتتەۋمەن بۇرىننان اينالىسىپ كەلەدى. ونىڭ جەكە فوتوارحيۆىندە ۇلتتىق پارك اۋماعىندا كەزدەسەتىن ايۋ، قاسقىر، قۇنۋ، تۇلكى، قويان، ەلىك سىندى جانۋارلاردىڭ بارلىعى دەرلىك ساقتالعان. كوپتەگەن سۋرەتى تانىمدىق فوتوالبومدارعا دا ەنگەن.

ۆ. ۆوروبيەۆتىڭ وبەكتيۆىنە ىلىنگەن بيىلعى ۇلكەن ولجاسى - ارشا ەمەنتۇمسىعى مەن الاكوز سۇڭگۋىر قۇستارى ەدى. ول ارشا ەمەنتۇمسىعىن فوتوسۋرەتكە تاۋتەكەلى وزەنىنىڭ اڭعارىندا تۇسىرگەن. تابيعاتتا سيرەك كەزدەسەتىن ەرەكشە قۇستى ەڭ سوڭعى رەت ورنيتولوگ س. ستاريكوۆ بۇقتىرمانىڭ بويىنان 2006 -جىلى كورىپتى.

ارشا ەمەنتۇمسىعىنىڭ سالماعى - 45-70 گرام عانا. دەنە تۇرقى شاعىن بولعانىمەن تۇمسىقتارى مىقتى. سۇيەكتى جەمىستەردى وپ- وڭاي شاعىپ جەي بەرەدى. بالاپاندارىن العاشقىدا ۇساق جاندىكتەرمەن، كەيىن دانمەن قورەكتەندىرەدى ەكەن. قورازىنىڭ باسى قوڭىر، موينى قىزعىلت، باۋىرى سۇر بولادى. مەكيەنىنىڭ ءتۇسى سولعىنداۋ.

ال الاكوز سۇڭگۋىر قۇستى ۆ. ۆوروبيەۆ بيىل بۇقتىرما جاعالاۋىندا تاسپاعا تارتىپتى. ۇيرەككە ۇقساس بۇل قۇس نەگىزىنەن سىرداريا، شۋ، ىلە وزەندەرىنىڭ تومەنگى ساعاسىن جانە الاكول، زايسان كولدەرىن مەكەندەيدى ەكەن. ورنيتولوگتاردىڭ ايتۋىنشا، 1980 -جىلدارى الاكوز سۇڭگۋىر كۇرت ازايىپ كەتكەندىكتەن قازاقستاننىڭ « قىزىل كىتابىنا» ەنگىزىلىپتى.

كاتونقاراعاي ۇلتتىق پاركىنىڭ اۋماعى ەرەكشە قورعالاتىندىقتان، سيرەپ كەتكەن جانۋارلاردىڭ ءوسىمى بايقالادى. ەندەشە، التايعا ورالعان ەكى قۇستىڭ دا سانى ارتارى انىق.

شىعىس قازاقستان وبلىسى،

كاتونقاراعاي اۋدانى

egemen.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات