اقمولاداعى جول اپاتى: ەكى پوليتسەيدى كولىگىمەن قاعىپ ولتىرگەن جۇرگىزۋشى ماس بولعان
حيميا- توكسيكولوگيالىق ساراپتامانىڭ قورىتىندىسىنا سەنسەك، پوليتسەيلەردىڭ قىزمەت كولىگىن بارىپ سوققان Lexus اۆتوموبيلىن تىزگىندەگەن جۇرگىزۋشى ورتا دارەجەدە ماس بولعان. وسىعان بايلانىستى قىلمىستىق ءىس قىلمىستىق كودەكستىڭ 346-بابىنىڭ 2-بولىمىنە (كولىك جۇرگىزۋ قۇقىعىنان ايىرىلعان ادامنىڭ ماس كۇيدە كولىك ايداپ، ەكى جانە ودان كوپ ادامنىڭ ولىمىنە سەبەپشى بولۋى) اۋىستىرىلدى.
ايتا كەتەيىك، كولىكتە ونىڭ جانىندا تاعى ەكى ادام بولعان. ولار دا ماس. بارلىعى جول اپاتىنان دەنە جاراقاتىن العان، قازىر اۋرۋحانادا جاتىر.
ەسكە سالا كەتەيىك، كەشە، 15-قازاندا شۋچە قالاسىندا ەكى پوليتسەي جول اپاتىنان قازا تاپتى. Lexus NX20 ماشيناسى قىزمەت بابىندا جۇرگەن ۋچاسكەلىك پوليتسەيلەردىڭ Lada-21214 كولىگىن ۇلكەن جىلدامدىقپەن كەلىپ سوققان. ىشكى ىستەر ءمينيسترى ەرلان تۇرعىمبايەۆ مەرت بولعان پوليتسەيلەردىڭ وتباسىنا كوڭىل ايتتى.