+7 (701) 759 90 19
7 °С : نۇر-سۇلتان
14 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

تاۋلى قاراباقتاعى قاقتىعىستىڭ قازىرگى جاعدايى قالاي؟

16 قازان 08:55
:ءبولىسۋ
تاۋلى قاراباقتاعى قاقتىعىستىڭ قازىرگى جاعدايى قالاي؟

نۇر-سۇلتان. قازاقپارات - گۋمانيتارلىق بىتىمگە قاراماستان تاۋلى قاراباقتاعى جاعداي ءالى دە شيەلەنىسىپ تۇر.

ە ق ى ۇ مينسك توبىنىڭ تەڭ ءتوراعالارى اتىستى توقتاتۋ مەن كەلىسسوزدەر پروتسەسىن قالپىنا كەلتىرۋ بويىنشا جۇمىستى جالعاستىرۋدا.

بۇل تۋرالى «قازاقپارات» ح ا ا مەنشىكتى ءتىلشىسى حابارلايدى. 10-قازاندا ر ف س ءى م كەلىستىرۋشىلىگىمەن ازەربايجان مەن ارمەنيانىڭ سىرتقى ىستەر مينيسترلەرى گۋمانيتارلىق ماقساتتا اتىستى توقتاتۋ تۋرالى كەلىسىمگە كەلگەندەي ەدى.

الايدا بۇل مامىلە كوپكە سوزىلعان جوق. تاراپتار تۇيىسكەن بارلىق نۇكتەدە قاقتىعىس ءجۇرىپ جاتىر. تاراپتاردىڭ ەكى جاعى دا ءبىرىن-ءبىرى ايىپتاۋدا. ازەربايجان قورعانىس مينيسترلىگىنىڭ حابارلاۋىنشا قاقتىعىس اۋماعىنداعى سولتۇستىك جانە وڭتۇستىك باعىتتا شيەلەنىسكەن جاعداي ساقتالىپ تۇر.

«14 جانە 15-قازان كۇندەرى تۇنگى ۋاقىتتا، الدىڭعى كۇندەردەي مايداننىڭ اگدەر- اگدام مەن فيزۋلي- گادرۋت- دجەبرايل باعىتىنداعى جاعداي ۋشىققان كۇيدە تۇر»، - دەەپ حابارلايدى ازەربايجاندىق قورعانىس ۆەدومستۆوسى. ارمەنيانىڭ ءبىرىڭعاي اقپاراتتىق ورتالىعى دا مايدان شەبىنەن حابار تاراتتى.

«ءتۇنى بويى جاعداي شيەلەنىسكەن كۇيدە تۇردى»، - دەلىنگەن 15-قازانداعى حابارلامادا. قوس تاراپ تا سوعىستىڭ سالدارىنان اسكەريلەردەن بولەك قاراپايىم ادامدار كوز جۇمىپ جاتقانىن حابارلايدى. وسىنىڭ سالدارىنان قالا ينفراقۇرىلىمدارىنا زاقىم كەلۋدە. الەمدىك قاۋىمداستىقتار تاراپتاردى ءالى دە سوعىستى توقتاتىپ، كەلىسسوزدەردى قالپىنا كەلتىرۋگە شاقىرىپ الەك.

كەلىسسوز پروتسەسىنىڭ مەدياتورى رەتىندە ە ق ى ۇ- نىڭ مينسك توبى قاقتىعىس اۋماعىندا اتىستى توقتاتۋ جانە ساياسي پروتسەستى باستاۋعا كۇش سالۋدا.

«اسكەريلەر جەلىسى بويىنشا كەزدەسۋ ۇيىمداستىرىپ، ءبىزدىڭ قۇجاتتا (10-قازانداعى) كورسەتىلگەندەي، اتىستى توقتاتۋ تۋرالى مەحانيزمدى ماقۇلداسۋ كەرەك. الايدا بۇل قۇجاتتى تاراپتاردىڭ ەشقايسىسى تالقىلاعىسى دا كەلمەيدى. بۇل سيگنالداردى ازەربايجانداعى جانە ارمەنياداعى ارىپتەستەرگە جىبەردىك. مەنىڭ ويىمشا، بۇل - اتىستى توقتاتۋدىڭ نەگىزگى كىلتى، سەبەبى سوعىستان ازاماتتىق نىساندار، بەيبىت حالىق زارداپ شەگىپ جاتىر»، - دەيدى ر ف س ءى م باسشىسى سەرگەي لاۆروۆ ب ا ق-قا بەرگەن سۇحباتىندا.

ەسكە سالا كەتسەك 27-قىركۇيەكتە ازەربايجان مەن ارمەنيا اراسىندا تاۋلى قاراباق بويىنشا قاقتىعىس باستالعان ەدى. ازەربايجان دا، ارمەنيا دا وسى جاعدايعا بايلانىستى سوعىس جاعدايىن جاريالادى. قازاقستاننىڭ سىرتقى ىستەر مينيسترلىگى بولسا بۇل جاعدايعا بايلانىستى پىكىر بىلدىرگەن بولاتىن.

اۆتور: ايان بەكەن ۇلى



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات