ەرالى توعجانوۆ ەلورداداعى اۋەجاي جۇمىسىن تەكسەردى

None
None

نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى ەرالى توعجانوۆ مەملەكەتتىك ورگاندار وكىلدەرىنىڭ قاتىسۋىمەن نۇر-سۇلتان قالاسى اۋەجايىنىڭ سانيتارلىق- كارانتيندىك پۋنكتىن، شەكارالىق باقىلاۋ جانە باسقا دا قىزمەتتەرىنىڭ جۇمىسىن تەكسەردى، دەپ حابارلايدى قازاقپارات ءتىلشىسى.

كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتىندە ايتىلعانداي، د ەلەگاتسيا حالىقارالىق رەيستەرمەن كەلەتىن جولاۋشىلاردىڭ قوزعالىس مارشرۋتىمەن تولىق تانىستى.

اتاپ ايتقاندا، جولاۋشىلاردىڭ اۋەلاينەردەن ءتۇسۋى، كونتاكتىسىز تەرمومەتريادان ءوتۋى، ساۋالناما تولتىرۋى، سونداي-اق پ ت ر ادىسىمەن COVID-19 عا تەستىلەۋدەن وتكەنى تۋرالى انىقتاماسى جوق ازاماتتاردى كارانتيندىك ستاتسيونارعا ورنالاستىرۋ ءۇشىن اۆتوبۋستارعا وتىرعىزۋ پروتسەدۋرالارى تەكسەرىلدى.

قازاننىڭ 14 ىنەن 15 ىنە قاراعان ءتۇنى نۇر-سۇلتان اۋەجايىنا بورتىندا 533 جولاۋشىسى بار 5 ۇشاق قوندى. كەلگەن ازاماتتاردىڭ 118 ىندە COVID-19-عا پ ت ر- تالداۋدىڭ تەرىس ناتيجەسى تۋرالى انىقتامالارى بولماعان. ولاردىڭ بارلىعى پ ت ر- تالداۋ تاپسىرۋ ءۇشىن ەكى تاۋلىككە كارانتيندىك ستاتسيونارعا ورنالاستىرىلدى. ەلوردا اۋەجايىن تەكسەرۋ قورىتىندىسى بويىنشا پرەمەر- ءمينيستردىڭ ورىنباسارى اۆياجولاۋشىلار بەتپەردە رەجيمى مەن الەۋمەتتىك اراقاشىقتىقتى قاتاڭ ساقتاۋ كەرەكتىگىن اتاپ ءوتتى.

سونداي-اق قاداعالاۋشى ورگاندارعا سانيتارلىق قىزمەتتەردىڭ نۇسقامالارىن ءجىتى قاداعالاپ، ورىنداۋدى جۇكتەدى. سونىمەن بىرگە، ۆيتسە-پرەمەر بىرلەسە جۇمىلعاندا عانا COVID-19 پاندەمياسىنىڭ تارالۋىن تۇپكىلىكتى توقتاتۋعا بولاتىندىعىن باسا ايتتى.

اۆتور: بالنۇر قوجاگەلدى


سوڭعى جاڭالىقتار