اقمولا وبلىسىندا دا كارانتين كۇشەيتىلدى

كوكشەتاۋ. قازاقپارات - اقمولا وبلىسىنىڭ باس سانيتارلىق دارىگەرى ايناگۇل مۋسينانىڭ كارانتيندىك رەجيمدى كۇشەيتۋ تۋرالى قاۋلىسى شىقتى، دەپ حابارلايدى قازاقپارات ءتىلشىسى.

قاۋلىعا سايكەس: - 65 جاستان اسقان ازاماتتاردىڭ دالاعا شىعۋىنا شەكتەۋ ەنگىزىلدى؛ - تۇنگى ساعات 23:00 دەن تاڭعى 06:00 گە دەيىن كومەندانتتىق ساعات ەنگىزىلدى (ءوڭىردىڭ كوشەلەرىندە ءجۇرۋ).

- دەمالىس كۇندەرى اۆتوبۋستاردىڭ جۇرۋىنە تىيىم سالىندى؛ - تاكسي ەكى ادامنان ارتىق تاسىمالداماۋى ءتيىس؛

- ساياباق، سكۆەرلەردە 3 ادامنان ارتىق توپ بولىپ جۇرۋگە بولمايدى؛

- اۋماعى 1000 شارشى مەتردەن اساتىن ساۋدا ورتالىقتارى، ساۋدا، ويىن- ساۋىق ورتالىقتارى مەن ازىق- تۇلىك ەمەس دۇكەندەردىڭ جۇمىسى شەكتەلەدى. جۇمىس كۇندەرى ساعات 19:00 گە دەيىن اشىق بولسا، دەمالىس جانە مەرەكە كۇندەرى جابىق بولادى؛

- جۇمىس كۇندەرى ازىق- تۇلىك دۇكەندەرى مەن جابىق بازارلاردىڭ جۇمىس ۋاقىتى 17:00 دەيىن شەكتەلەدى. دەمالىس جانە مەرەكە كۇندەرى جۇمىس ىستەمەيدى؛

- ازىق- تۇلىك دۇكەندەرى مەن مەيرامحانالاردىڭ جۇمىس ۋاقىتى ساعات 09:00 دەن 22:00 گە دەيىن بەلگىلەندى؛

- قوعامدىق تاماقتانۋ ورىندارى 30 كەلۋشى نەمەسە سىيىمدىلىعىنىڭ 50 پايىزىن عانا قابىلداۋى ءتيىس؛

- مەملەكەتتىك ورگاندار قىزمەتكەرلەرىنىڭ 80 پايىزى قاشىقتان جۇمىس ىستەۋگە كوشىرىلەدى؛

- ح ق و جۇمىس كەستەسى شەكتەلەدى.

- فيتنەس- ورتالىقتار سىيىمدىلىعىنىڭ 50 پايىزىن عانا قابىلداۋى ءتيىس؛

- 5 تەن 180 گە دەيىن وقۋشىسى بار مەكتەپتەرگە سىنىپتا بالانىڭ سانىن 15 تەن اسىرماي جۇمىس ىستەۋگە رۇقسات ەتىلەدى؛

- پوشتالار ساعات 14:00 دەيىن عانا جۇمىس ىستەيدى. قاۋلى 2020 -جىلدىڭ 16-قازانىندا ساعات 00:00 كۇشىنە ەنەدى.

اۆتور: اسلان وسپانوۆ