ايدا بالايەۆا الماتىدا «ق ر قوعامدىق باقىلاۋ تۋرالى» زاڭ جوباسىن تالقىلادى

الماتى. قازاقپارات - اقپارات جانە قوعامدىق دامۋ ءمينيسترى ايدا بالايەۆا الماتى قالالىق قوعامدىق كەڭەس مۇشەلەرىمەن كەزدەستى، دەپ حابارلايدى قازاقپارات ءتىلشىسى.

كەزدەسۋ بارىسىندا مەملەكەت باسشىسى ق. توقايەۆتىڭ 2020 -جىلعى 1-قىركۇيەكتەگى جولداۋىن ىسكە اسىرۋ شەڭبەرىندە قوعامدىق باقىلاۋدى زاڭنامالىق بەكىتۋ ماسەلەلەرى بويىنشا تاسىلدەر مەن ۇسىنىستار، سونداي-اق كۆازيمەملەكەتتىك سەكتوردا قوعامدىق كەڭەستەر قۇرۋعا قاتىستى قوعامدىق كەڭەستەر ينستيتۋتىن جەتىلدىرۋ ماسەلەلەرى تالقىلاندى.

ايدا بالايەۆا ءوز سوزىندە قوعامدىق باقىلاۋ ينستيتۋتىن جەتىلدىرۋ دەر كەزىندە قولعا الىنعانىن جانە ونىڭ ماڭىزدىلىعى مەن وزەكتىلىگىن اتاپ ءوتتى. بولاشاق زاڭ جوباسىنىڭ ماقساتى - قوعامدىق باقىلاۋ جۇيەسىنىڭ قۇقىقتىق نەگىزىن، سونداي-اق ازاماتتىق قوعامدى ودان ءارى دامىتۋ ءۇشىن قۇقىقتىق جاعدايلار جاساۋدى ايقىنداۋ.

زاڭ جوباسىنىڭ مىندەتىنە ءبىرىڭعاي ۇعىمدىق اپپاراتتى قالىپتاستىرۋ، قوعامدىق باقىلاۋدى جۇزەگە اسىرۋ قاعيداتتارىنىڭ ءبىرىڭعاي جۇيەسىن بەلگىلەۋ، سىبايلاس جەمقورلىققا قارسى كۇرەستە قوعامدىق كۇش- جىگەردى بىرىكتىرۋدىڭ قۇقىقتىق تەتىكتەرىن جاساۋ، سونداي- اق قوعامدىق باقىلاۋ سۋبەكتىلەرى مەن وبەكتىلەرىنىڭ فۋنكتسياسىن، وكىلەتتىگى مەن جاۋاپكەرشىلىگىن ايقىنداۋ كىرەدى.

«مەملەكەت باسشىسىنىڭ جولداۋىنا سايكەس كۆازيمەملەكەتتىك سەكتوردا قوعامدىق كەڭەستەر قۇرۋدى كوزدەيتىن، سونداي-اق مەملەكەتتىك ورگانداردىڭ، كۆازيمەملەكەتتىك سەكتور سۋبەكتىلەرىنىڭ مەملەكەتتىك ساتىپ الۋ جونىندەگى كونكۋرستىق كوميسسيالارعا قاتىسۋ ارقىلى قوعامدىق كەڭەستەردىڭ وكىلەتتىگىن كەڭەيتەتىن زاڭعا تۇزەتۋلەر ازىرلەنىپ جاتىر. بۇگىنگى تاڭدا بۇل تۇزەتۋلەر كەلىسۋ راسىمىنەن وتۋدە»، - دەپ اتاپ ءوتتى ايدا بالايەۆا.

ءىس- شارا بارىسىندا الماتى قالاسى قوعامدىق كەڭەسىنىڭ حاتشىسى، «اقپاراتتىق- رەسۋرستىق ورتالىق» قوعامدىق قورىنىڭ ديرەكتورى التىناي كوبەيەۆا، سونداي-اق الماتى قالاسى قوعامدىق كەڭەسىنىڭ مۇشەلەرى، «KAZBREND» قوعامدىق قورىنىڭ باسقارما ءتوراعاسى نۇرلان جازىلبەكوۆ، «قازرەنا» قازاقستاننىڭ عىلىمي-ءبىلىم بەرۋ كومپيۋتەرلىك جەلىسىن پايدالانۋشىلار قاۋىمداستىعىنىڭ باس ديرەكتورى بوريس جاپاروۆ جانە «قازاقستاننىڭ داعدارىس ورتالىقتارى وداعى» ز ت ب باسقارما ءتوراعاسى ءزۇلفيا بايساقوۆا ءسوز سويلەدى.

قوعامدىق كەڭەس مۇشەسى بوريس جاپاروۆ شەت مەملەكەتتەردە قولدانىلاتىن زاڭدى مىسالعا كەلتىردى.

«بۇگىن ءبىز مينيسترمەن بىرگە ق ر قوعامدىق باقىلاۋ جونىندەگى زاڭنىڭ تۇجىرىمداماسىن تالقىلادىق. قوعامدىق كەڭەس مۇشەلەرى ءوز ويلارىن ورتاعا سالدى. مەن دە دامىعان مەملەكەتتەردىڭ تاجىربيەسىنە سۇيەنە وتىرىپ ءوز ۇسىنىسىمدى ايتتىم. قالالىق دەڭگەيدە رەفەرەندۋم وتكىزۋ قۇقعىن بەرسە، سوعان سايكەس، قالا تۇرعىندارىنىڭ ماقسات- مۇدەسىن ەسكەرە وتىرىپ، لاۋازىمدى قىزمەتتەردە جۇرگەن ازاماتتاردى نەمەسە ءماسليحات دەپۋتاتتارىن ءوز مىندەتىن ورىنداماعان جاعداي دا زاڭعا قايشى ارەكەتتەر جاساعان كەزدە قىزمەتىنە قايتا شاقىرسا دەگەن پىكىر ءبىلدىردىم. مىسالى مۇنداي ءتاسىلدى ا ق ش، جاپونيا، اۆستراليا ەلدەرى قولدانادى»، - دەدى بوريس جاپاروۆ.

ءىس-شارا سوڭىندا مينيستر كەزدەسۋدىڭ بارلىق قاتىسۋشىلارىنا بەلسەندى قاتىسقانى جانە قوعامدىق ىسكە جاۋاپتى كوزقاراسى ءۇشىن العىس ءبىلدىردى.