ماماندار ۇشاقتا كوروناۆيرۋس جۇقتىرۋ قاۋپى نەگە تومەن ەكەنىن ايتتى
حالىقارالىق اۋە كولىگى قاۋىمداستىعى (IATA) كوروناۆيرۋس ينفەكسياسىنىڭ بورتتاعى قاۋپى تۋرالى ەسەپ جاريالادى. ونداعى مالىمەت بويىنشا، جىل باسىنان بەرى 1,2 ميلليارد جولاۋشى اۋە كولىگىمەن جەتكىزىلگەن. ونىڭ ىشىندە ۇشاقتا كوروناۆيرۋس جۇقتىرۋى مۇمكىن دەگەن 44 جاعداي عانا تىركەلگەن. IATA مەديتسينالىق كونسۋلتانتى دەۆيد پاۋەلل ءاربىر 27 ميلليون جولاۋشىنىڭ بىرەۋى ۆيرۋس جۇقتىرۋى مۇمكىن ەكەنىن ايتتى.
«ۇشاق بورىندا COVID-19 جۇقتىرۋ قاۋپى وتە تومەن ەكەنىنە سەنىمدى بولىڭىزدار»، - دەيدى IATA- نىڭ ساياحات بويىنشا ونلاين- كەڭەسىندە.
ساراپشىنىڭ ايتۋىنشا، بۇنىڭ ءتورت نەگىزگى سەبەبى بار:
- وتىرۋ جاعدايى - بورتتا بولعان ۋاقىتتىڭ باسىم كوپشىلىگىندە جولاۋشىلار العا قاراپ وتىرادى، بۇل باسقا بىرەۋدىڭ تىنىسىن جۇتۋ مۇمكىندىگى تۇرعىسىنان ماڭىزدى.
- ورىندىق ارقاسى - ۇشاقتارداعى ورىندىقتاردىڭ جوعارى ارقالارى COVID-19 تارالۋىنا بەرىك توسقاۋىل بولادى.
- اۋا اعىنىنىڭ جوعارى جىلدامدىعى - زەرتتەۋلەر كورسەتكەندەي، اۋە كەمەسىندەگى اۋا اعىنى (توبەدەن ەدەنگە دەيىن) باسقا كولىك تۇرلەرىنە قاراعاندا از كىرەدى.
- اۋا الماسۋ - زاماناۋي ۇشاقتار ۆيرۋستاردى، باكتەريالاردى جويۋدىڭ تيىمدىلىگى اۋرۋحانالىق دەڭگەيدەگى اۋا سۇزگىلەرىنىڭ (HEPA) ارقاسىندا 99,9 پايىزدان اسادى، ال سالونداعى اۋا ءار ەكى- ءۇش مينۋت سايىن «جاڭارىپ وتىرادى».
سونىمەن قاتار، IATA ەسەبىندە ۇشۋ كەزىندە ماسكانى مىندەتتى تۇردە تاعۋ ۆيرۋس جۇقتىرۋ قاۋپىن تومەندەتەتىنى كورسەتىلگەن.