+7 (701) 759 90 19
-2 °С : نۇر-سۇلتان
0 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

استانالىقتار كارانتين تالاپتارىن قالاي بۇزادى

15 قازان 21:24
:ءبولىسۋ
استانالىقتار كارانتين تالاپتارىن قالاي بۇزادى

نۇر-سۇلتان. قازاقپارات - ەلوردادا كارانتين تالاپتارىن بۇزعاندارعا 134 ميلليون تەڭگە ايىپپۇل سالىندى.

بۇل تۋرالى نۇر-سۇلتان قالاسى بايقوڭىر اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى باسشىسىنىڭ ورىنباسارى سالتانات ىقىلاسوۆا ايتتى، دەپ حابارلايدى قازاقپارات ءتىلشىسى.

«ەلىمىزدە كارانتين شارالارى باستالعاننان بەرى اۋقىمدى جۇمىس جۇرگىزىلىپ جاتىر. ونىڭ ءبىرى - مونيتورينگىلىك توپپەن قالاداعى نىسانداردى تەكسەرۋ. توپ قۇرامىندا اكىمدىكتىڭ، سانيتارلىق- ەپيدەميولوگيالىق قىزمەتتىڭ وكىلدەرى، پوليتسيا قىزمەتكەرلەرى بار. كوروناۆيرۋس ىندەتىنىڭ ءورشۋى مۇمكىن دەگەن بولجامعا بايلانىستى مونيتورينگىلىك توپ ساعات 15.00 مەن 21.00 جانە 22.00 مەن تاڭعى 04.00 ارالىعىندا كۇندەلىكتى رەيدكە شىعادى»، - دەدى ول.

ونىڭ اتاپ وتۋىنشە، وسى ۋاقىتقا دەيىن قالا اۋماعىنداعى نىسانداردا كارانتين تالاپتارىن بۇزۋ دەرەكتەرى انىقتالىپ وتىر.

ماسەلەن پوليتسيادان باسقارما اتىنا 1160 قا جۋىق بايانات كەلىپ تۇسكەن. سونىڭ نەگىزىندە زاڭدى، جەكە تۇلعالارعا جانە لاۋازىمدى قىزمەتكەرلەرگە 634 ايىپپۇل سالىندى. ايىپپۇل كولەمى 134 ميلليون تەڭگەدەن اسىپ جىعىلادى. بۇگىندە 535 ايىپپۇل تولەندى.


«تالاپ بۇزۋشىلىققا كەلەر بولساق، نىسانعا كىرگەندە كەلۋشىلەردىڭ دە، سوندا جۇمىس ىستەيتىن قىزمەتكەرلەردىڭ دە دەنە قىزۋى ولشەنبەيدى. الەۋمەتتىك ارا قاشىقتىق ساقتالمايدى. ءبىر ادامعا 4 شارشى مەتر جۇمىس ورنى بولۋى تيىستىگى تۋرالى تالاپ تا ورىندالمايدى. مەديتسينالىق ماسكا تاعۋ مادەنيەتى دە تومەن. عيماراتقا كىرگەن ادام كۇزەتشىنىڭ كوزىنشە ماسكا تاققانىمەن، عيمارات ىشىندە ونى شەشىپ تاستايدى. ماسكانى دۇرىس تاقپايدى. مىنە، وسىنداي جايتتار قىنجىلتادى»، - دەدى سالتانات ىقىلاسوۆا.


اۆتور: مارلان جيەمباي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات