تانىمال ءانشى مارات وماروۆ ديماشقا ەرەكشە ۇسىنىس تاستادى
ەسترادا جۇلدىزى قازاقستاننىڭ تۋما تالانتى ديماش قۇدايبەرگەننىڭ ازان ايتقانىن ەستىپ كورگىسى كەلەتىن بولىپ شىقتى. ول ونەردەگى ءىنىسىنىڭ كەڭ دياپازونداعى داۋسى مىنا قيىن كەزەڭدە تىنىشتىق پەن جاقسىلىقتى شاقىراتىنىنا سەنىمدى.
مارات وماروۆ ديماش قۇدايبەرگەنمەن بايلانىستى ارمانى تۋرالى «الماتى» ارناسىنىڭ «Paparazzi» باعدارلاماسىندا ايتىپ بەردى. ول عاجايىپ داۋىستى قازاق ءانشىسى ازان شاقىرعان جاعدايدا، كوپتەگەن ادامنىڭ وي- ساناسى وزگەرەر ەدى دەپ ەسەپتەيدى.
«ديماشقا ەندى ءبىر اۋىز ايتسا بولار ەدى. اكە-شەشەسىنە دە ايتامىن. قازىرگى كەزدە ءبىز يماندىلىقتى سەرىك قىلعان، ءوزى تەكتى، جۇرەگى تۇكتى، رۋحى بيىك كۇشتى قازاقپىز عوي. سونىڭ ىشىندە جۇلىپ، جارقىراپ شىققان ديماشىمىز الەمدى تاڭعالدىرىپ جاتىر. سول ديماشقا ايتار كىشىگىرىم ۇسىنىسىم بار ەدى. ارمانىم دەسە دە بولادى. ەگەر ديماش سول دياپازونىمەن مۇسىلمانشىلدىق تۇعىردا ەلىمىزگە تىنىشتىق پەن جاقسىلىق كەلۋ ءۇشىن ازان ايتسا دەيمىن. سوندا بۇكىل ادامدار، بۇكىل الەم، بۇكىل دۇنيەجۇزى سوعان بۇرىلىپ، وي سالار ەدى. مىنە، مەنىڭ اسقاق ارمانىم وسى»، - دەپ اعىنان جارىلدى مارات وماروۆ.
ازىرگە ديماشتىڭ بۇل ۇسىنىسقا قالاي جاۋاپ بەرگەنى بەلگىسىز. ول ونەردەگى اعاسىنىڭ ارمانىنا قاتىستى پىكىر دە بىلدىرگەن جوق.