بەيجىڭ بيلىگى كوروناۆيرۋس دەرتىمەن كۇرەس شارالارىن كۇشەيتتى

نۇر-سۇلتان. قازاقپارات - بۇل ەل شىعىسىنداعى شينداۋ قالاسىندا ىندەتتىڭ ورشۋىنە بايلانىستى بولىپ وتىر، دەپ حابارلايدى «حابار 24».

قازان ايىنىڭ باسىندا جالپى ۇلتتىق كۇز مەيرامى اتاپ ءوتىلدى. ءبىر اپتانىڭ ىشىندە ەل تۇرعىندارى 637 ميلليون ساپار جاساعان. سول سەبەپتەن بيلىك شينداۋعا بارعان قالا تۇرعىندارىن دەرەۋ تەست تاپسىرۋعا شاقىردى. سونداي-اق ازىرشە شەتەلگە شىقپاۋعا كەڭەس بەردى.

ال بەيجىڭگە وزگە ەلدەردەن كەلگەندەر ءۇش مارتە - ءبىرىنشى رەت ۇشاققا مىنەر الدىندا، ەكىنشى رەت اۋەجايعا ۇشىپ كەلگەندە، ال سوڭعى رەت 14 كۇندىك كارانتيننىڭ اياقتالۋىنا ەكى كۇن قالعاندا تەست تاپسىرۋى ءتيىس. سونداي- اق قالا اۋەجايلارى كۇنىنە تەك 500 جولاۋشى قابىلداي الادى. قازىرگى كەزدە قىتاي اۋرۋحانالارىندا كوروناۆيرۋستى شەتەلدە جۇقتىرعان 227 ناۋقاس ەمدەلىپ جاتىر.