ەلوردادا دەمالىس كۇندەرى قانداي نىساندار جۇمىس ىستەيدى

None
None
نۇر-سۇلتان. قازاقپارات - COVID-19 ۆيرۋسىنىڭ الدىن الۋ ءۇشىن 2020 -جىلدىڭ 13-قازانىندا نۇر-سۇلتان قالاسىنىڭ باس مەملەكەتتىك سانيتارلىق دارىگەرى جاننا پراليەۆانىڭ ەلوردادا شەكتەۋ شارالارى مەن كارانتين ءتارتىبىن كۇشەيتۋ تۋرالى جاڭا قاۋلىسى شىقتى.

الايدا ناقتى قانداي كاسىپورىندار جۇمىسىن توقتاتۋى كەرەكتىگى جونىندە كاسىپكەرلەر تاراپىنان ءبىرشاما سۇراق تۋىنداپ وتىر. وسىعان بايلانىستى قازاقپارات ءتىلشىسى جاننا پراليەۆانىڭ سوزگە تارتىپ، ناقتى قانداي نىساندار دەمالىس كۇندەرى جۇمىس ىستەيتىنىن انىقتاپ كورگەن ەدى. ەلوردانىڭ باس مەملەكەتتىك سانيتارلىق دارىگەرى دەمالىس كۇندەرى جەكە تۇرعان، ازىق- تۇلىك ساتپايتىن دۇكەندەر جۇمىس ىستەيتىنىن ءمالىم ەتتى. ياعني تەك بيزنەس- ورتالىقتاردا ورنالاسقان بۋتيكتەردىڭ جۇمىس ىستەۋىنە عانا تىيىم سالىنادى.

«13-قازان كۇنى مەنىڭ قاۋلىم شىقتى. وندا ءتورت ءبولىم بويىنشا شەكتەۋلەر ناقتى كورسەتىلگەن. ءبىز مۇلىك فورماسىنا قاراماستان بارلىق ۇيىمنىڭ جۇمىسىنىڭ 60 پايىزىن قاشىقتان جۇرگىزۋ تارتىبىنە اۋىستىرىپ جاتىرمىز. سونىمەن قاتار بيزنەس- ورتالىقتارعا قاتىستى ءبولىم بار. ول بيزنەس- ورتالىقتاردا ساعات 09.00 دەن كەشكى 18.00 گە دەيىن ادۆوكاتتاردىڭ، نوتاريۋستاردىڭ، بۋحالتەر مەن كونسالتينگتەردىڭ، جىلجىمايتىن مۇلىك بويىنشا اگەنتتىكتەردىڭ، جارنامالىق اگەنتتىكتەردىڭ، سوت ورىنداۋشىلاردىڭ، تۋروپەراترورلاردىڭ جۇمىس ىستەي الاتىنى جازىلعان. وسى بيزنەس- ورتالىقتاردىڭ ىشىندە ازىق- تۇلىك ساتپايتىن بۋتيكتەر بار. رەيد جۇمىستارى بارىسىندا ولاردىڭ دەمالىس كۇندەرى جۇمىسىن جالعاستىرعانىنان حاباردار بولدىق. بيزنەس- ورتالىقتار دەمالىس كۇندەرى جۇمىس ىستەگەندىكتەن ولار وزدەرىنە وزدەرى جۇمىس كەستەسىن بەلگىلەپ العان. بۇل دۇرىس ەمەس. وسى قاۋلىدا بيزنەس- ورتالىقتارىنداعى ازىق- تۇلىك تاۋارلارى مەن زاتتارىن ساتپايتىن بۋتيكتەرگە قاتىستى جاعدايدى ناقتى تۇسىندىرگەنبىز. ولار دەمالىس كۇندەرى جۇمىس ىستەمەيدى»، - دەپ ءتۇسىندىردى جاننا پراليەۆا.

ونىڭ ايتۋىنشا ازىق- تۇلىك ساتپايتىن قالعان دۇكەندەردىڭ جۇمىسىنا ەشقانداي شەكتەۋ جوق.

«باس مەملەكەتتىك سانيتارلىق دارىگەردىڭ 18-قىركۇيەكتەگى قاۋلىسىنىڭ 4-ءبولىمى 4,26 تاراۋىنا سايكەس ازىق-تۇلىك تاۋارلارىنىڭ بارلىق ءتۇرىن ساتپايتىن دۇكەندەر جوبالىق قۋاتتىلىعى 30 پايىزدان اسپاي جۇمىس ىستەي بەرە الادى. بۇل رەتتە ءبىر ساتىپ الۋشىنىڭ تۇراتىن اۋماعى 4 شارشى مەتر بولۋى ءتيىس. سونىمەن قاتار ول دۇكەندەردە سانيتاريالىق- ەپيدەميولوگيالىق تالاپتار مەن الدىن الۋ شارالارى ساقتالۋى كەرەك. جۇمىس كۇندەرى ولارعا تاڭەرتەڭگى توعىزدان كەشكى ونعا دەيىن جۇمىس ىستەۋىنە رۇقسات. ياعني ولارعا جۇمىس جانە دەمالىس كۇندەرى جۇمىس ىستەۋگە شەكتەۋ جوق. ال باس مەملەكەتتىك سانيتارلىق دارىگەردىڭ 13-قازانداعى №243-قاۋلىسىنىڭ 1-بولىگى 1,2 تارماعى جۇمىسى بيزنەس- ورتالىقتاردا جۇزەگە اسىرىلاتىن سۋبەكتتەرگە قاتىستى بولىپ وتىر»، - دەدى جاننا پراليەۆا.

سوڭعى جاڭالىقتار