+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

قاسىم-جومارت توقايەۆ «اباي- شاكارىم» كەشەنىن ارالاپ كوردى

15 قازان 19:10
:ءبولىسۋ
قاسىم-جومارت توقايەۆ «اباي- شاكارىم» كەشەنىن ارالاپ كوردى

جيدەباي. قازاقپارات - قازاقستان پرەزيدەنتى قاسىم- جومارت توقايەۆ «اباي- شاكارىم» مەموريالدىق كەشەنىن ارالاپ كوردى، دەپ حابارلايدى اقوردا.

قاسىم-جومارت توقايەۆ جيدەبايعا ارنايى كەلىپ، «اباي- شاكارىم» مەموريالدىق كەشەنى مەن اقىننىڭ مۇراجاي- ۇيىندە اتقارىلعان جۇمىستارمەن تانىستى. ۇلى اقىننىڭ 175 جىلدىق مەرەيتويى اياسىندا مەموريالدىق كەشەن مەن ابايدىڭ مۇراجاي- ءۇيى جوندەۋدەن ءوتىپ، زاماناۋي تالاپتارعا ساي قايتا جاڭعىرتىلعان.


كىرە بەرىسىنەن باستالاتىن جاياۋ جۇرگىنشىلەردىڭ جولىنان باستاپ كەشەننىڭ ۇستىنە شىعاراتىن جولعا دەيىن گرانيت تاس توسەلگەن. 200 گە جۋىق شىرشا تۇپتەرى ەگىلىپ، امفيتەاتردىڭ توبەسى كۇمبەزدەلگەن جانە كىرە بەرىس الاڭعا ۇلكەن كونسترۋكتسيالىق جوبالار جاسالعان. قازاقستان پرەزيدەنتى اتقارىلعان جۇمىستارعا وڭ باعاسىن بەرىپ، مەموريالدىق كەشەن مەن مۇراجاي- ۇيىنە ەستەلىككە كىتاپتار سىيلادى. قاسىم-جومارت توقايەۆ قايتا جاڭعىرتۋدان وتكەن «ساپار ورتالىعىن» ارالاپ كورىپ، زياراتشىلارعا قىزمەت كورسەتۋ ورنىنىڭ جۇمىسىن جوعارى باعالادى. جالپى بيىلعى مەرەيتويعا وراي اباي اۋدانىندا اۋقىمدى جۇمىستار اتقارىلعان.


ونىڭ ىشىندە اقىننىڭ كىندىك قانى تامعان سىرت قاسقابۇلاقتا كۇردەلى جوندەۋ جۇمىستارى جۇرگىزىلىپ، كىرە بەرىس جولىنا اسفالت توسەلگەن. اباي سۋ ىشكەن بۇلاقتىڭ باسى تولىعىمەن اباتتاندىرىلىپ، شىرشا، شىنار اعاشتارى وتىرعىزىلىپ، اقىننىڭ 45 قارا ءسوزى جازىلعان ءمارمار تاستار قويىلعان. «تۋعاندا دۇنيە ەسىگىن اشادى ولەڭ» دەگەن ستەللا تۇرعىزىلعان.

سونىمەن قاتار قۇنانباي مەن ونىڭ اۋلەتى جەرلەنگەن اقشوقى قورىمىنىڭ اۋماعى كەڭەيتىلىپ، تولىعىمەن اباتتاندىرىلعان. ەڭ باستىسى ەلىمىزدە تۇڭعىش رەت ۇلى ابايدىڭ كەمەڭگەر اكەسى قۇنانبايعا ارناپ، ونىڭ ءومىرى مەن قايراتكەرلىك قىزمەتىن دارىپتەيتىن قۇنانباي مۋزەيى سالىندى. مۋزەي ءىشى زامان تالابىنا ساي جابدىقتالعان، كونفەرەنتسيا جانە ەكسپوزيتسيالىق زالدارمەن جاساقتالعان. مۋزەيدىڭ ەكسپوزيتسيالىق زالىنا ۇلىلار مەكەنىنىڭ تاريحىنان، ونەرى مەن مادەنيەتىنەن، تۇرمىس- سالتىنان سىر شەرتەتىن قۇندى جادىگەرلەر، باعالى بۇيىمدار، تۇرمىستىق زاتتار قويىلعان.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات