ەردوس قانايەۆ باستى رولدە وينايتىن «اقىن» فيلمىنىڭ ءتۇسىرىلىم جۇمىستارى باستالدى

نۇر- سۇلتان. قازاقپارات - «جىگىتتەر» توبىنىڭ سوليسى ەردوس قانايەۆ كينوداعى العاشقى قادامىن جاسادى، دەپ حابارلايدى قازاقپارات.

«قازاقفيلم» كينوستۋدياسىنىڭ مالىمەتىنشە، رەجيسسەر دارەجان ومىربايەۆتىڭ «اقىن» فيلمىنىڭ ءتۇسىرىلىمى باستالعان. كارتينا گەرمان گەسسەنىڭ «شىعارماشىلىق كەش» اڭگىمەسىنىڭ نەگىزىندە تۇسىرىلەدى.

فيلمنىڭ سيۋجەتى اقىننىڭ ءارقيلى، ءبىراق ءارقاشان قىزىقتى تاعدىرى تۋرالى باياندايدى. فيلمدە باستى ءرولدى «جىگىتتەر» توبىنىڭ ءسوليسى ەردوس قانايەۆ سومدايدى. ول شىعارماشىلىق ادامى رەتىندە فيلمدەگى كەيىپكەردىڭ وبرازىنا جاقىن. ەسكە سالا كەتەيىك، ءبىز بۇعان دەيىن «قازاقفيلم» كينوستۋدياسىنىڭ قاسىم حان تۋرالى جاڭا تاريحي فيلم تۇسىرە باستاعانىن جازعان بولاتىنبىز.