ەلىمىزدە التىن قۇيمالاردىڭ باسىم بولىگىن الماتىلىقتار ساتىپ العان
وسى جىلدىڭ قاڭتارىنان قىركۇيەگىنە دەيىنگى ارالىقتا ەل تۇرعىندارى ەكىنشى دەڭگەيلى بانكتەردەن جانە بانكتىك ەمەس ايىرباستاۋ پۋنكتەرىنەن 13208 ولشەۋىش قۇيما ساتىپ العان. ولاردىڭ جالپى سالماعى 566 كيلوگرامنان اسادى.
ساكەن تاجييەۆ، ق ر ۇ ب قولما- قول اقشا اينالىسى دەپارتامەنتى قورلاردى تالداۋ جانە جوسپارلاۋ باسقارماسىنىڭ باس مامانى:
- قىركۇيەك ايىندا جالپى سالماعى 65,2 ك گ بولاتىن 1480 ولشەۋىش قۇيما ساتىلدى. التىن قۇيمالارى 5 تۇردە ۇسىنىلعان. 5,10, 20, 50 جانە 100 گرامدىق. ساتىپ الۋشىلار اراسىندا سالماعى 10 گرامدىق قۇيما ەڭ كوپ ساتىپ الىنادى. ساتۋدىڭ جالپى كولەمىنەن ونىڭ ۇلەسى 25 پايىز، ياعني 8701 دانانى قۇرايدى. التىن قۇيمالاردى ساتىپ الۋدا الماتىلىقتار كوش باستاپ تۇر. جىل باسىنان بەرى ساتىلعان قۇيمالاردىڭ 55 پايىزى مەگاپوليس تۇرعىندارىنىڭ ەنشىسىندە. ودان كەيىن اتىراۋ، نۇر- سۇلتان قالالارىندا كوپ ساتىپ الىنعان.
ساكەن تاجيەۆ، ق ر ۇ ب قولما- قول اقشا اينالىسى دەپارتامەنتى قورلاردى تالداۋ جانە جوسپارلاۋ باسقارماسىنىڭ باس مامانى:
- قازاقستان رەسپۋبليكاسىنىڭ ۇلتتىق بانكى تازارتىلعان التىننىڭ ولشەمدىك قۇيمالارىن ساتۋ جانە كەرى ساتىپ الۋ حالىققا ارنالعان باعدارلاماسىن 2017 -جىلى ىسكە قوستى. بارلىعى 2017 -جىلدان باستاپ جالپى سالماعى 1,25 توننا قۇرايتىن 34688 ولشەۋىش قۇيما ساتىلدى. باعدارلاما ىسكە قوسىلعان ساتتەن باستاپ، جالپى سالماعى 3,2 ك گ قۇرايتىن 119 ولشەۋىش قۇيما كەرى ساتىپ الۋعا قابىلداندى. التىن قۇيمالارى - ينۆەستيتسيالاۋدىڭ سەنىمدى قۇرالى. ءبىراق كەرى قايتارۋ ءۇشىن ساتىپ الىنعان قۇيمانى ۇقىپتى ساقتاۋ جانە وراۋدى اشپاۋ ماڭىزدى. سەبەبى ءاربىر قۇيما قورعانىش ەلەمەنتتەرىمەن جانە قۇيمالاردى مەحانيكالىق زاقىمدانۋدان قورعايتىن ارنايى وراۋدا شىعارىلادى. قورعانىش وراۋى دا قۇيما ساپاسىنىڭ سەريتيفيكاتى بولىپ ەسەپتەلەدى.
www.24.kz