وزبەكستانداعى ەتنيكالىق قازاقتاردىڭ كىشى قۇرىلتايى وتەدى
ءىس- شارانى ۇيىمداستىرۋعا دۇنيەءجۇزى قازاقتارى قاۋىمداستىعى، ق ر اقپارات جانە قوعامدىق دامۋ مينيسترلىگى جانە «وتانداستار قورى» مەن وزبەكستانداعى قازاق ۇلتتىق مادەني ورتالىعىمەن بىرلەسىپ ۇيىمداستىرىپ وتىر. قالىپتاسقان ەپيدەميولوگيالىق احۋالعا بايلانىستى شارانى اعىمداعى جىلدىڭ 21 - قازان كۇنى تۇڭعىش رەت ونلاين رەجيمىندە وزبەكستانداعى قازاق دياسپوراسىمەن وتكىزۋ جوسپارلانۋدا.
«داستۇرگە اينالعان كىشى قۇرىلتايدى ەلباسى نۇرسۇلتان نازاربايەۆ باسقاراتىن دۇنيەءجۇزى قازاقتارى قاۋىمداستىعى وتكىزىپ كەلەدى. سوڭعى جىلدارى رەسەي، ەۆروپا قازاقتارىنىڭ كىشى قۇرىلتايى وتكەن. بيىل ءبىرىنشى رەت پاندەمياعا بايلانىستى وزبەكستانداعى قازاقتاردىڭ كىشى قۇرىلتايىن ونلايىن رەجيمىندە وتكىزۋدى ۇيىمداستىرىپ وتىرمىز. كەزدەسۋدىڭ باستى ماقساتى - باۋرلاس قازاقستان - وزبەكستان اراسىنداعى دوستىق قارىم- قاتىناس، مادەني- رۋحاني بايلانىستارىن نىعايتۋ. وزبەكستانداعى قازاق دياسپوراسىنا قولداۋ كورسەتۋ، مادەني - بايلانىستى كەڭەيتۋ، ولاردىڭ تۇيتكىلدى ماسەلەلەرىن شەشۋ جولدارىن قاراستىرۋ»، - دەيدى د ق ق ءتوراعانىڭ ءبىرىنشى ورىنباسارى زاۋىتبەك تۇرىسبەكوۆ.
وسى قۇرىلتايعا وزبەكستاننىڭ تاشكەنت، سىرداريا، ناۋاي، بۇحارا، حورەزم وبلىسى جانە تاعى باسقا ەلدەردەگى قازاق ۇلتتىق مادەني ورتالىقتارىنىڭ باسشىلارى مەن ق ر مەملەكەتتىك مەكەمەلەردىڭ وكىلدەرى، قوعام، ونەر قايراتكەرلەرى قاتىسادى.