ەلىمىزدە اۆتوكولىك ۇرلىعى ءورشىپ تۇر
«ءسىزدىڭ اتىڭىزعا ساۋال جولداۋىمىز، كولىك ۇرلىعىنان ءجابىر شەككەن ازاماتتارىمىزدىڭ وتىنىشتەرى سەبەپ بولىپ وتىر. ق ر ىشكى ىستەر مينيسترلىگى ۇسىنعان مالىمەتىنە سايكەس سوڭعى 2 جىل جانە 2020 -جىلدىڭ 8 ايى ىشىندە 5132 كولىك ۇرلانىپ، ونىڭ ىشىندە تەك قانا 1922 كولىك يەلەرىنە قايتارىلدى. جالپى، كىمنىڭ بولسا دا اۆتوكولىگىنىڭ جوعالۋى جانە ونىڭ تابىلماي كەتۋى، جابىرلەنگەن جانۇيا ءۇشىن اۋىر تيەتىنى بەلگىلى. ستاتيستيكاعا قاراعاندا 2019 -جىلى 1490 اۆتوكولىك ۇرلانىپ، ونىڭ 671- ءى عانا تابىلعان. ال وسى جىلدىڭ 8 ايىندا 1733 اۆتوكولىك ۇرلانىپ، 233 عانا تابىلىپ وتىر»، - دەدى دەپۋتات.
ونىڭ اتاپ وتۋىنشە، مۇنداي كورسەتكىشكە سەبەپتەردىڭ ءبىرى اۆتوكولىك قۇرالدارىن ەكىنشى رەتتىك ەسەپكە الۋ نەمەسە شەشۋ كەزىندە اۆتوكولىكتىڭ شاناعى مەن قوزعالتقىشىنىڭ نومىرلىك بەلگىلەرىن ۆيزۋالدى تەكسەرۋ جۇرگىزۋدى الىپ تاستاۋ بولدى. سوڭعى 2 جىل جانە 2020 -جىلدىڭ 8 ايى ىشىندە ەكى رەتتىك ساناققا قويىلعان كولىكتەردىڭ سانى 2325820 قۇراعان. وسىعان وراي دەپۋتات شاناقتىڭ جانە قوزعالتقىشتىڭ نومەرلىك بەلگىلەرىنىڭ ءتۇپنۇسقالىعى بولىگىندە جانە كولىكتى ەكىنشى رەتتىك قايتا تىركەۋ كەزىندە سايكەستىگىن تەكسەرۋدى قايتا ىسكە اسىرۋ مۇمكىندىگىن قاراستىرۋدى سۇراپ وتىر.
اۆتور: مارلان جيەمباي