د د س ۇ قازاقستاندىق ۆاكسينانى كلينيكالىق زەرتتەۋلەردەن وتكىزۋگە كەلىسىم بەردى

None
None
نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى قازاقستاندىق ۆاكسينانى كلينيكالىق زەرتتەۋلەردەن وتكىزۋگە كەلىسىم بەردى.

بۇل تۋرالى و ك ق- دا وتكەن باسپا ءسوز ءماسليحاتىندا دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.

«دۇنيەجۇزىلىك دەنساۋلىق ساقتاۋ ۇيىمى قازاقستاندىق ۆاكسينانى كلينيكالىق زەرتتەۋلەردەن وتكىزۋگە رەسمي تۇردە رۇقسات بەردى. ۆاكسينانىڭ قاۋىپسىزدىگى مەن تيىمدىلىگىن باعالاۋ ماقساتىندا 2020 -جىلعى 17-قىركۇيەكتە ۇلتتىق فتيزيوپۋلمونولوگيا عىلىمي ورتالىعىنىڭ بازاسىندا قازاقستاندىق ۆاكسينانى كلينيكالىق زەرتتەۋدىڭ I كەزەڭىن جۇرگىزۋگە رۇقسات بەرىلدى. 17 -قاراشادا II كەزەڭنىڭ كلينيكالىق زەرتتەۋلەرى جانە 2021 -جىلدىڭ 24-ساۋىرىندە III كەزەڭ اياقتالادى»، - دەدى الەكسەي سوي.

ەسكە سالا كەتسەك بۇعان دەيىن الەكسەي سوي COVID-19 ۆيرۋسىنا قارسى ۆاكسينا جالپى قازاقستاندىقتاردىڭ 15 پايىزىنا سالىناتىنىن ءمالىم ەتكەن ەدى.

ايان بەكەن ۇلى

سوڭعى جاڭالىقتار