الەكسەي سوي: بيىل جازدا كوروناۆيرۋسپەن اۋىرعاندار جەلتوقساندا قايتادان سىرقاتتانۋى مۇمكىن

نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي ادام اعزاسىنداعى انتيدەنەنىڭ جويىلۋىنا بايلانىستى ەلىمىزدە كوروناۆيرۋستان بۇرىن جازىلىپ شىققاندار قايتا سىرقاتتانۋى مۇمكىن ەكەنىن ەسكەرتتى، دەپ حابارلايدى قازاقپارات ءتىلشىسى.

«عالىمداردىڭ ءارتۇرلى پىكىرىنە سۇيەنسەك، كوروناۆيرۋستى جەڭىل كوتەرگەن ازاماتتاردىڭ اعزاسىندا انتيدەنە 1 اي ۋاقىتقا، ال ورتا نەمەسە اۋىر كوتەرگەندەردىڭ اعزاسىندا 3-5 ايعا دەيىن ساقتالادى. ءبىزدىڭ ەلدە كوروناۆيرۋس جۇقتىرۋدىڭ شارىقتاۋ شەگى وسى جىلدىڭ ماۋسىم- شىلدە ايلارىنا كەلگەنى بەلگىلى. ەگەر ءبىز تالداۋ جاساپ كورسەك، اتالعان ۋاقىتتان 3-5 ايدان كەيىن، ياعني قاراشا- جەلتوقسان ايلارىندا كوروناۆيرۋستى ورتا نەمەسە اۋىر جاعدايدا كوتەرگەندەردىڭ اعزاسىندا انتيدەنەلەر قۇرىپ بارا جاتىر. سول سەبەپتى ولاردىڭ قايتادان اۋرۋعا شالدىعۋ ىقتيمالدىعى، قاۋپى بار»، - دەدى الەكسەي سوي و ك ق الاڭىندا وتكەن باسپا ءسوز ءماسليحاتىندا.

دەنساۋلىق ساقتاۋ ءمينيسترى الەمدە كوروناۆيرۋستى قايتا جۇقتىرۋ جاعدايى تىركەلگەنىمەن، قازاقستاندا مۇنداي ادامنىڭ ءالى كەزدەسپەگەنىن ءمالىم ەتتى.

اۆتور: ايان بەكەن ۇلى