اشۋلانباۋ ءۇشىن اقىلدى التى كەڭەس
اشۋلانبايتىن ادامنىڭ ءوزى جوق، بارلىق ادام اشۋلانادى. الايدا اشۋعا بوي الدىرۋ، ءوزىڭنىڭ شىدامسىزدىعىڭدى كورسەتۋ، وزگەنىڭ الدىنداعى جەڭىلىسىڭدى كورسەتەتىنى انىق.
ارينە قازىرگى كەزدە اشۋلانباۋدىڭ ءوزى مۇمكىن ەمەس. كۇندەلىكتى كۇيبەڭ تىرلىك، كۇردەلى وتباسىلىلىق ماسەلەلەر، شاراسىزدىق. بۇلاردىڭ ءبارى ادامدى ىشتەي قاجىتادى. وتباسىنداعى كىشىگىرىم رەنجىسۋ، بوگدە ادامعا اشۋلانۋمەن اياقتالۋى مۇمكىن.
جالپى ءوز اشۋىڭدى تەجەي الماۋ، بولماشى ۇساق- تۇيەك ءۇشىن جاقىندارىڭىزعا اشۋلانۋ، جاقسىلىققا اكەلمەيدى. كوبىنەسە ەرلى- زايىپتىلار جوق جەردەن شي شىعارىپ، ارتى ۇلكەن داۋ-دامايعا اينالىپ كەتۋى ابدەن مۇمكىن. اينالىپ كەلگەندە، بۇل تەك تۇككە تۇرمايتىن دۇنيەلەر عانا.
قازاقتا «سابىر ءتۇبى- سارى التىن»، «سابىر ەتسەڭ، ءىسىڭ وڭعا باسادى، شۇكىر ەتسەڭ، جاماندىق تا قاشادى»، «شاتىسقان ءىستىڭ شەشىمى- شىدام» دەگەن سوزدەر بەكەر ايتىلماسا كەرەك. بۇگىن ءبىز اشۋلانباۋ ءۇشىن قاجەتتى كەڭەستەر ۇسىنباقپىز.
1.قانداي جاعداي بولسا دا سابىرلى بولىڭىز.
سالقىنقاندى بولىپ ۇيرەنىڭىز. ارينە ءبىرىنشى كەزدەرى بۇل وڭاي بولمايدى، الايدا ۋاقىت وتە ءسىز ۇساق- تۇيەكتەرگە ءمان بەرمەي، كەيىن اياق استى تۋىنداعان قيىندىقتارعا دا ءتوزىمدى بولا الاسىز.
2. اشۋدان قاشىڭىز.
تىنىشتالا المايتىنداي قاتتى اشۋلانساڭىز، رەنجىسكەن ادامنىڭ قاسىنان كەتىپ قالىڭىز. ويشا اشۋىڭىز ارتتا قالدى دەپ ەلەستەتىڭىز.
3. ۇرىس- كەرىس كەزىندە ارتىق ءسوز ايتپاڭىز.
ويتكەنى «ايتىلعان ءسوز، اتىلعان وق». جاقىنىڭىزدىڭ جانىن جارالاپ، جانىنىڭىز راحات تاپپاسىڭىز انىق.
4. اشۋ ۇستىندە بۇرىن بولعان جايتتاردى ەسكە تۇسىرمەگەن ابزال.
بەتىنە باسىپ، كەمسىتكەنىمەن، ءسىز كەشىرىلمەيتىندەي رەنجىتۋىڭىز مۇمكىن. كەيىننەن كەشىرىم سۇراساڭىز دا، كوڭىلگە تۇسكەن كىربىڭ كەتپەي قالادى.
5. اشۋعا بەرىلگەن اداممەن بارىنشا جاقسى مامىلەدە قالۋعا ارەكەت ەتىڭىز.
ۇندەمەي كەتىپ قالىڭىز. ول ادام ءسىزدىڭ سابىرلىلىعىڭىزعا قاراپ، ءوزىنىڭ ارتىق كەتكەنىن تۇسىنەدى.
6. ءوزىڭىزدى ۇستاي الماساڭىز، باسقا جەرگە كەتىپ قالىڭىز.
مۇلدە باسقا ىسپەن اينالىسىڭىز. ساياباققا شىعىپ، ءجۇرىپ كەلىڭىز. مەنىكى دۇرىس دەگەن پىكىردى ويدان مۇلدەم الىپ تاستاڭىز.