«ءتىلىمنىڭ ۇشىندا تۇر» دەي بەرەتىندەردىڭ استارلى سىرقاتى

نۇر-سۇلتان. قازاقپارات - «ءتىلىمنىڭ ۇشىندا تۇر» دەپ قاراپايىم ءسوزدى ۇمىتىپ قالا بەرەسىز بە؟ مۇنداي جاعداي - دەمەنسيانىڭ كورىنىسى. دەمەنسيا - مي قىزمەتىنىڭ ءجيى تۇرالاپ قالۋى.

ونى ۇمىتشاقتىق دەپ قابىلداۋعا بولمايدى. دەمەنسيا ەستە ساقتاۋ، ويلاۋ، ءتۇسىنۋ سياقتى تانىمدىق فۋنكسيالاردىڭ تومەندەۋىمەن سيپاتتالادى. بۇل اۋرۋدىڭ ناقتى سەبەبى انىقتالماعان. ءبىراق دارىگەرلەردىڭ ايتۋىنشا، دۇرىس ەمەس ءومىر سالتىن ۇستانعاندا پايدا بولادى. ياعني ميعا قاجەتتى قورەك بارمايدى نەمەسە وعان قاجەتتى قىسىم تۇسپەيدى. ول كەز كەلگەن جاندا كەزدەسۋى مۇمكىن. اسىرەسە جاس ۇلعايعان سايىن پايدا بولۋ قاۋپى جوعارى.

دەمەنسيانىڭ العاشقى بەلگىلەرى:

ۇمىتشاقتىق

مازاسىزدىق، كۇدىك

كوڭىل-كۇيدىڭ وزگەرۋى، دەپرەسسيا

تۇلعالىق وزگەرىس

دەمەنسيانىڭ الدىن الۋ جولدارى:

كوبىرەك قوزعالىڭىز. دەنە بەلسەندىلىگى ميدى قانمەن جاقسى قامتاماسىز ەتەدى جانە ونىڭ قالپىنا كەلۋىنە كومەكتەسەدى. كوبىرەك ءجۇرىڭىز، ۆەلوسيپەد ايداڭىز.

ادامدارمەن ارالاسىڭىز. ءتىپتى قالاماساڭىز دا. الەۋمەتتىك بەلسەندىلىك مي ءۇشىن اۋا سياقتى.

ميىڭىزدى جاتتىقتىرىڭىز. وقىڭىز، جۇمباقتار مەن كروسسۆوردتاردى شەشىڭىز. ءتىل ۇيرەنىڭىز، جاڭالىقتاردى قاداعالاڭىز، كۇن سايىن جاڭا نارسەنى ۇيرەنۋگە تىرىسىڭىز.

زيان ادەتتەردەن اۋلاق بولىڭىز. تەمەكى مەن الكوگولدەن اۋلاق بولىڭىز. نيكوتين دەمەنسيا اۋرۋدىڭ قوزدىرادى.

ۆيتامين تاپشىلىعىنا جول بەرمەڭىز. د دارۋمەنى جەتىسپەسە، ول دەمەنسيانى تۋدىرۋ مۇمكىن. سول ءۇشىن دۇرىس تاماقتانىڭىز.

ۇيقى. ءوزىڭىزدى كۇنىنە كەمىندە 7-8 ساعات ساپالى ۇيقىمەن قامتاماسىز ەتىڭىز. ءبىراق ودان كوپ 10 ساعاتتىق ۇيقى دا دەمەنسيانى تۋدىرۋى مۇمكىن. ەگەر سىزدە ۇيقىسىزدىق، اشىعۋ نەمەسە اپنوە بايقالسا، تەراپيەۆتپەن اقىلداسىپ، كومەك سۇراڭىز.