د د ۇ كوروناۆيرۋستىڭ ەكىنشى تولقىنى جوق ەكەنىن مالىمدەدى
بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ توتەنشە جاعدايلار جونىندەگى وڭىرلىك ديرەكتورى دوريت نيتسان مالىمدەدى، - دەپ حابارلايدى ريا نوۆوستي اگەنتتىگى.
«كوروناۆيرۋستىڭ تۇرلەرى مەن فورمالارى پاندەميانىڭ ەكىنشى تولقىنى جوق ەكەنىن كورسەتەدى»، - دەيدى نيتسان «پاندەميا-2020: قيىندىقتار، شەشىمدەر، سالدارلار» كونفەرەنسياسىندا.
ونىڭ ايتۋىنشا، قازىرگى تاڭدا (كوروناۆيرۋسپەن اۋىراتىندار سانى) ءوسىپ كەلە جاتقان ەلدەر مەن ناۋقاستار سانى ازايىپ كەلە جاتقان مەملەكەتتەر دە بار.
«ءبىز بۇل جاعدايدى كۇندە باقىلاپ وتىرامىز، تومەندەۋ (اۋرۋ جۇقتىرعاندار سانى) بار ەلدەردەگى جاعدايدى زەرتتەيمىز»، - دەيدى ول.
نيتسان «كوپتەگەن ادام كوروناۆيرۋستىڭ وتە قاۋىپتى اۋرۋ ەكەنىن تۇسىنبەيتىنىن» اتاپ ءوتتى. سەبەبى الەمدەگى حالىقتىڭ تەك 5 پايىزى اۋىر حالدە ەكەن.
«ءبىراق بۇل 5 پايىز قاتتى زارداپ شەگەدى. ولاردىڭ ومىرىنە قاۋىپ ءتونىپ تۇر. بۇل جاعداي ولار ءۇشىن وتە قيىن»، - دەيدى ديرەكتور.
ايتا كەتەيىك، 11-ناۋرىزدا دۇنيەجۇزىلىك دەنساۋلىق ساقتاۋ ۇيىمى جاڭا COVID-19 ۆيرۋسىنىڭ ورشۋىنە بايلانىستى پاندەميا جاريالادى.
د د ۇ مالىمەتىنە سايكەس، الەمدە كوروناۆيرۋس جۇقتىرعاندار سانى 37 ميلليوننان استى. ىندەتتەن 1070355 ناۋقاس كوز جۇمدى.