اقسۋ-جاباعىلى قورىعىندا قار بارىسى كوزگە ءتۇستى

None
None
نۇر-سۇلتان. قازاقپارات - قازان ايىندا اقسۋ- جاباعىلى مەملەكەتتىك تابيعي قورىعىندا قار بارىسى تاعى دا فوتوتۇزاققا ءتۇستى.

بۇل جونىندە ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ قازاقپارات حابارلايدى.

قىزىل كىتاپتاعى جانۋاردىڭ قايتالانباس كادرلارى تەڭىز دەڭگەيىنەن 2900 مەتر بيىكتىكتە تىركەلگەن.

«بارىس - مىسىق تۇقىمداستاردىڭ ەڭ جاسىرىن جۇرەتىن وكىلى. سوندىقتان جازدىگۇنگى بيىك تاۋلاردا تاسپالانعان بەينەلەر اڭنىڭ مەكەن ەتۋ ورتاسى مەن پوپۋلياتسياسىن زەرتتەۋ ءۇشىن اسا ماڭىزدى» دەپ ءمالىم ەتتى مينيسترلىكتەن. بارىس ىلىنگەن فوتوتۇزاقتى بۇۇ دامۋ باعدارلاماسىنىڭ عالامدىق ەكولوگيا قورى مەن ەكولوگيا مينيسترلىگىنىڭ ورمان شارۋاشىلىعى جانە جانۋارلار الەمى كوميتەتى ورمان ەكوجۇيەسىن ساقتاۋ ماقساتىندا ورناتقان.

ەسكە سالايىق، بۇگىندە قازاقستاندا 120-130 ءىلبىس مەكەندەيدى. وكىنىشكە قاراي، ولاردىڭ سانى جىل سايىن ازايىپ كەلەدى.

سوڭعى جاڭالىقتار