اتىراۋلىق وقۋشىلاردىڭ عىلىمي جۇمىسى حالىقارالىق جيناققا ەندى
اتالعان مەكتەپتىڭ 8-سىنىپ وقۋشىلارى ءدىلناز مۇباراك پەن ءازيزا اباتوۆا رەسەي فەدەراتسياسىندا قاشىقتان وتكەن «حيميا: عىلىم مەن ونەر» اتتى عىلىمي- جوبالار كونكۋرسىنا «اپەلسين قابىعىنان تىڭايتقىش ازىرلەۋ» تاقىرىبىنداعى زەرتتەۋ جۇمىسىن ۇسىنعان. ناتيجەسىندە عىلىمي ەڭبەك رەسەيلىك قازىلار القاسىنىڭ جوعارى باعاسىن الىپ، ءازيزا مەن ءدىلناز ءۇشىنشى دارەجەلى ديپلوم مەن سەرتيفيكاتقا يە بولعان.
«اتىراۋلىق وقۋشىلاردىڭ عىلىمي جاڭالىعى ۆ. كۋرباتوۆتىڭ 142 جىلدىعىنا وراي جارىق كورگەن حالىقارالىق عىلىمي ەڭبەكتەر جيناعىنا ەنگىزىلدى. سانكت- پەتەربۋرگ مەملەكەتتىك تەحنولوگيالىق ينستيتۋتىندا وقۋشىلاردىڭ ەڭبەگى جاريالانعان عىلىمي جيناق سەرتيفيكاتى ونلاين تۇردە تابىستالدى. بۇعان دەيىن ءازيزا اباتوۆا مەن ءدىلناز مۇباراكتىڭ اتالعان عىلىمي- زەرتتەۋ جوباسى وقۋشىلاردىڭ رەسپۋبليكالىق «زەردە» عىلىمي- زەرتتەۋ جۇمىستارى مەن شىعارماشىلىق جوبالار بايقاۋىندا باس جۇلدەگە يە بولدى» - دەپ حابارلادى نازاربايەۆ زياتكەرلىك مەكتەبىنىڭ باسپا ءسوز قىزمەتى.
اۆتور: بەك مۇستافا