07:31, 13 - قازان 2020 | GMT +6
فۋتبول: قازاقستان قۇراماسىنىڭ قاقپاشىسى ۇزدىكتەر قاتارىنا ەندى
نۇر- سۇلتان. قازاقپارات - فۋتبولدان قازاقستان قۇراماسىنىڭ قاقپاشىسى UEFA ۇلتتار ليگاسىنداعى ۇزدىك قاقپاشىلار قاتارىنا ەندى، دەپ حابارلايدى قازاقپارات ءتىلشىسى.
UEFA- نىڭ رەسمي سايتى ۇلتتار ليگاسىنىڭ ستاتيستيكاسىن جاريالادى. سەيۆ جاساعان ۇزدىك قاقپاشىلاردىڭ بەستىگىنە قازاقستان قۇراماسىنىڭ ويىنشىسى ستاس پوكاتيلوۆ تا كىردى. ول ءوز قاقپاسىنا باعىتتالعان 12 سوققىنى قايتارعان. ورتا ەسەپپەن ءبىر كەزدەسۋدە 4 سەيۆ جاساعان. ستاس ۇلتتار ليگاسىنداعى 3 ويىندا قاقپاسىنا تەك 2 مارتە گول جىبەردى.
سونداي- اق، ۇزدىك قاقپاشىلاردىڭ رەيتينگىنە انتون شۋنين (رەسەي، 14 سەيۆ)، دومينيك ليۆاكوۆيچ (حورۆاتيا، 13)، گەورگيي بۋشان (ۋكراينا، 12) جانە كيپر تەتەرۋشانۋ (رۋمىنيا، 12) كىردى.
ايتا كەتەيىك، 11-قازان UEFA ۇلتتار ليگاسىندا قازاقستان قۇراماسى ءوز الاڭىندا البانيامەن كەزدەستى. ويىن 0:0 ەسەبىمەن تەڭ اياقتالدى. قازاقستان قۇراماسى ەندى 14- قازاندا بەلارۋسپەن سىرت الاڭدا وينايدى.
اۆتور: قاسقىرباي قويشىمانوۆ