فۋتبول: قازاقستان قۇراماسى ۇلتتار ليگاسىنداعى توپتا ءبىرىنشى ورنىن ساقتاپ قالدى
اۋەلى الماتىدا قازاقستان قۇراماسى البانيا كومانداسىمەن كەزدەستى. بۇل ماتچتا جەڭىمپاز انىقتالمادى. ەسەپ 0:0 بولدى. ەكىنشى ويىندا ليتۆا قۇراماسى بەلارۋستى قابىلدادى. بۇل ويىندا دا ەكى كوماندا تەڭ ءتۇستى. ەسەپ - 2:2. الاڭ يەلەرىنەن ارۆيداس نوۆيكوۆاس (7- مينۋتتا) جانە كاروليس لاۋكجەميس (75- مينۋتتا) گول سوقتى؛ بەلارۋس كومانداسىنان ۆيتاليي ليساكوۆيچ (59- مينۋتتا، پەنالتيمەن) جانە الەكساندر ساچيۆكو (66- مينۋتتا) كوزگە ءتۇستى.
4-توپتا، الدىڭعى تۋرداعىداي، وتە ەرەكشە جاعداي بولدى: بارلىق ءتورت كوماندا بىردەي 4 ۇپايدان جينادى. بۇل جارىس قازاقستان قۇراماسىنا سوعىلعان جانە كوماندا جىبەرىپ العان گولدار اراسىنداعى ايىرماشىلىقتىڭ ارقاسىندا كوشباسشىلىق ورىندى ساقتاپ قالۋعا كومەكتەستى. كەلەسى ماتچتا 14- قازاندا قازاقستاندىقتار بەلارۋس قۇراماسىمەن وينايدى.
اۆتور: اياۋلىم التىنبەك