كارانتين: نۇر- سۇلتاندا جاسىرىن جۇمىس جۇرگىزگەن ماسساج سالونى انىقتالدى
سالونداعى بويجەتكەندەردىڭ قىزمەتى ماسساجبەن شەكتەلمەگەن، دەپ حابارلايدى قازاقپارات ءتىلشىسى.
«پوليتسيا قىزمەتكەرلەرى ول جەردەگى بويجەتكەندەردىڭ ماسساج قىزمەتىن عانا ەمەس، بەلگىلى ءبىر سوماعا ءينتيمدى قىزمەت تە كورسەتەتىنىن انىقتادى. سالون يەسى، 26 جاستاعى بويجەتكەن ەكەن. ول جەزوكشەلىكپەن اينالىسۋعا نىسانىن بەرگەنى ءۇشىن اكىمشىلىك كودەكستىڭ 450-بابى بويىنشا اكىمشىلىك جاۋاپقا تارتىلدى»، - دەپ حابارلايدى نۇر- سۇلتان قالالىق پوليتسيا دەپارتامەنتىنەن.
سونىمەن قاتار كوتتەدج يەسى باس سانيتارلىق دارىگەردىڭ كارانتين رەجيمى كەزىندەگى شەكتەۋ شارالارىنىڭ نورمالارىن ساقتاماعانى بەلگىلى بولدى.
«كارانتين رەجيمىن بۇزعان ازاماتتاردىڭ ءبارى دە زاڭعا سايكەس اكىمشىلىك جاۋاپقا تارتىلدى. نۇر- سۇلتان قالاسىنىڭ پوليتسيا دەپارتامەنتى كوروناۆيرۋس ينفەكتسياسىنى تارالۋىنا جول بەرمەۋ ءۇشىن كارانتين رەجيمىنىڭ ساقتالۋى كەرەكتىگىن ەسكەرتەدى»، - دەلىنگەن حابارلامادا.