گەرمانيا كينوتەاترلارىندا «قۇنانباي» فيلمى كورسەتىلدى

None
None
بەرلين. قازاقپارات - قازاقتىڭ ۇلى اقىنى، اعارتۋشىسى جانە قازاق ادەبيەتىنىڭ كلاسسيگى ابايدىڭ 175جىلدىعىنا ارنالعان ءىس- شارالار سەرياسىنىڭ جالعاسى رەتىندە قازاقستان ەلشىلىگى بەرليندەگى تانىمال «Zoo Palast» كينوتەاترىندا «قۇنانباي» تاريحي كينودراماسىنىڭ كورسەتىلىمىن ۇيىمداستىردى، دەپ حابارلايدى قازاقپارات.

ءبىرقاتار سىيلىقتارعا يە بولعان فيلمدە قازاقستان مەن قازاق حالقىن ءوز تۋىندىلارىمەن الەمگە پاش ەتكەن حاكىم ابايدىڭ اكەسى - قۇنانبايدىڭ ءومىرى مەن قىزمەتى تۋرالى باياندالادى.

فيلمنىڭ تۇساۋكەسەرىندە ەلشى داۋرەن كارىپوۆ «قازاق كىتاپحاناسى» جوباسى اياسىندا ەلشىلىك نەمىس باسپالارىمەن بىرلەسە وتىرىپ باسىپ شىعارعان اقىننىڭ نەمىس تىلىندەگى شىعارمالارى مەن وشپەس مۇراسى تۋرالى ايتىپ بەردى. سونداي- اق، كينوكورسەتىلىم اياسىندا جينالعان نەمىس ساياساتكەرلەرى مەن ساراپشىلارىنا، قوعام قايراتكەرلەرىنە، جۋرناليستەرگە جانە بەرلين تۇرعىندارىنا وتكەن تامىز ايىندا گەرمانيادا قازاقستاننىڭ مادەنيەت جانە سپورت مينيسترلىگى مەن «ۇلتتىق اۋدارما بيۋروسى» قوعامدىق قورى جوباسى اياسىندا جارىق كورگەن اقىننىڭ نەمىس تىلىندەگى «اباي» اتتى شىعارمالارىنىڭ جاڭا جيناعى تانىستىرىلدى. ءىس- شارا سانيتارلىق- ەپيدەميولوگيالىق تالاپتار مەن الەۋمەتتىك قاشىقتىق نورمالارىن ساقتاي وتىرىپ وتكىزىلدى.


سوڭعى جاڭالىقتار