ارمەنيا مەن ازەربايجان تاۋلى قاراباقتا اتىستى توقتاتۋ تۋرالى كەلىسىمگە كەلدى
رەسەي فەدەراتسياسىنىڭ پرەزيدەنتى ۆ. ۆ. پۋتيننىڭ ۇندەۋىنە جاۋاپ رەتىندە جانە رەسەي فەدەراتسياسىنىڭ پرەزيدەنتى ۆ. ۆ. پۋتيننىڭ، ازەربايجان رەسپۋبليكاسىنىڭ پرەزيدەنتى ي. گ. اليەۆتىڭ جانە ارمەنيا رەسپۋبليكاسىنىڭ پرەمەر- ءمينيسترى ن. ۆ. پاشينياننىڭ ۋاعدالاستىقتارىنا سايكەس تاراپتار مىناداي قادامدار تۋرالى كەلىستى:
1. 2020 -جىلعى 10-قازاندا ساعات 12:00 دەن باستاپ اسكەري تۇتقىنداردى جانە باسقا دا ۇستالعان ادامدار مەن دەلدالدىق كەزىندە قازا تاپقان ادامداردىڭ مايىتتەرىن الماسۋ ءۇشىن جانە حالىقارالىق قىزىل كرەست كوميتەتىنىڭ كريتەريلەرىنە سايكەس گۋمانيتارلىق ماقساتتا اتىستى توقتاتۋ تۋرالى شەشىم جاريالانادى.
2. اتىستى توقتاتۋ رەجيمىنىڭ ناقتى پارامەترلەرى قوسىمشا كەلىسىلەدى.
3. ازەربايجان رەسپۋبليكاسى مەن ارمەنيا رەسپۋبليكاسى ە ق ى ۇ- نىڭ مينسك توبىنىڭ تەڭ ءتوراعالارىنىڭ دەلدالدىعى ارقىلى بىتىمگەرشىلىكتىڭ بازالىق قاعيداتتارى نەگىزىندە بەيبىت كەلىسىمگە جەدەل قول جەتكىزۋ ماقساتىندا سۋبستانتيۆتىك كەلىسسوزدەرگە كىرىسەدى.
4. تاراپتار كەلىسسوزدەر پروتسەسى فورماتىنىڭ وزگەرمەيتىنىن راستايدى.
بۇعان دەيىن حابارلانعانداي، رەسەي پرەزيدەنتى ۆلاديمير پۋتين ارمەنيا مەن ازەربايجاننىڭ سءى م باسشىلارىن ماسكەۋگە تاۋلى قاراباق قاقتىعىسى كەزىندە قازا تاپقانداردىڭ مايىتتەرى مەن تۇتقىنداردى الماسۋ ماسەلەلەرى بويىنشا كەڭەسۋگە شاقىردى. رەسەي، ازەربايجان جانە ارمەنيا سىرتقى ساياسي ۆەدومستۆولارى باسشىلارىنىڭ كەلىسسوزدەرى 10 ساعاتتان استام ۋاقىتقا سوزىلدى.