جانىبەك ءالىمحان ۇلى قارسىلاسىن نوكاۋتپەن جەڭدى

None
None
نۇر- سۇلتان. قازاقپارات - قازاقستاندىق بوكسشى جانىبەك ءالىمحان ۇلى ورتا سالماقتا لاس- ۆەگاستا (نيەۆادا شتاتى، ا ق ش) ارگەنتينالىق گونسالو كوريانى نوكاۋتپەن جەڭدى، دەپ حابارلايدى قازاقپارات ءتىلشىسى.

جەكپە- جەك ون راۋندقا ەسەپتەلگەنىمەن، كەزدەسۋ ەكىنشى كەزەڭدە ءبىتتى. جانىبەكتىڭ ءدال تيگەن اۋىر سوققىسىنان كەيىن گ. كوريا ورنىنان تۇرا الماي قالدى. مۇنىڭ الدىندا ارگەنتينالىق بوكسشى ءبىرىنشى راۋندتا نوكداۋنعا تۇسكەن ەدى. وسىلايشا 27 جاستاعى ج. ءالىمحان ۇلى كاسىپقوي بوكستاعى توعىزىنشى جەڭىسىنە قول جەتكىزىپ، WBO Global جانە WBC ContinentalAmericas تيتۋلدارىن قورعاپ قالدى. ال 23 جاستاعى گ. كوريا بۇعان دەيىن 16 جەكپە- جەك وتكىزىپ، سونىڭ ۇشەۋىندە ۇتىلىپ قالعان بولاتىن. بۇل - ونىڭ ءتورتىنشى جەڭىلىسى. ەسكە سالا كەتەيىك، بۇدان بۇرىن جانىبەك ءالىمحان ۇلىنىڭ تيتۋلدىق جەكپە- جەك وتكىزۋ ءۇشىن لاس- ۆەگاسقا كەلگەنىن جازعان بولاتىنبىز.

سوڭعى جاڭالىقتار