ەشقاشان جىلاپ تۇرىپ قاراما: اينانىڭ ادام شوشىرلىق قاسيەتى

نۇر-سۇلتان. قازاقپارات - اينانىڭ ءبىز بىلمەيتىن قانداي سىرى بار؟ كىسى قايتقان ءۇيدىڭ ىشىندەگى اينانى مىندەتتى تۇردە بەتىن جاپتىرادى.

ويتكەنى، ولگەن ادامنىڭ جانى اينادا قالادى دەگەن تۇسىنىك قالىپتاسقان. اينا - ءبىزدىڭ الەم مەن تىلسىم الەمىنىڭ ورتاسىنداعى بايلانىسقا شىعاتىن پورتال سەكىلدى قۇرال.

ادام جىلاپ تۇرعاندا ايناعا قاراماعانى دۇرىس، ويتكەنى اينانىڭ ەستە ساقتايتىن قابىلەتى بار. كەيىن ساۋ ادام قاراعاندا بۇرىنعى جىلاعان ادامنىڭ ەنەرگياسى كەرى اسەر بەرەدى دەپ جاتادى. ەسكى بىرەۋدەن قالعان اينانى قولدانباعان دۇرىس، ويتكەنى اينا يەلەرىنىڭ ەنەرگيا تولقىندارى ساقتالىپ قالۋى مۇمكىن. اينانى ءجيى تۇزدى سۋمەن جۋىپ تازالاپ تۇرعان جاقسى.

كوبىنە «اينامەن جۇمىس ىستە، ءوز-ءوزىڭدى باعالاۋدى سولاي ۇيرەن» دەگەن سوزدەر ايتىلادى. ايناعا كەم دەگەندە كۇنىنە 1 رەت قاراپ «مەن سۇلۋمىن»، «مەن بايمىن»، «مەنىڭ ءومىرىم قۋانىشقا تولى»، «مەن سۇيىكتىمىن»، «مەنىڭ جولىم بولعىش» سىندى ادەمى سوزدەردى 8 رەت قايتالاۋ كەرەك دەگەن دە كەڭەس بار.

ءبىراق، ايناعا جامان كەيپىڭمەن، جىلاعان تۇرىڭمەن قاراۋعا بولمايدى. تەك قانا كۇلىپ قاراپ، جاقسى سويلەۋ كەرەك. سەبەبى، ايناعا قاراپ ايتىلعان ءسوزدىڭ ءبارى وزىڭىزگە قايتادى.

سونداي-اق، اقشا سالاتىن ءامياندى دا ايناعا قاراتىپ قويعان دۇرىس. اسىرەسە، جالاقى العاندا ەنەرگياسىن ايناعا ءسىڭىرتۋ ءۇشىن ءبىراز ۋاقىت اينا الدىنا تاستاعان ابزال.

«الاش ايناسى»