ەلوردادا كارانتين ءتارتىبىن قاداعالاۋ كۇشەيتىلەدى

نۇر- سۇلتان. قازاقپارات - ەلوردا اكىمىنىڭ ورىنباسارى باقتيار ماكەننىڭ توراعالىعىمەن COVID-19 ەكىنشى تولقىنىنا دايىندىق جانە ءموبيلدى توپتار جۇمىسى تالقىلاندى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

ق ر پرەزيدەنتى قاسىم- جومارت توقايەۆتىڭ COVID-19 ەكىنشى تولقىنىنا دايىندىق تۋرالى تاپسىرماسى اياسىندا ەلوردادا كارانتين شارالارىنىڭ ساقتالۋىنا مونيتورينگ جانە باقىلاۋ جونىندەگى شارالاردى كۇشەيتۋ تۋرالى بۇيرىق بەرىلدى. ەرەجەلەردى ءجيى بۇزاتىن نىساندار ويىن- ساۋىق مەكەمەلەرى، قوعامدىق تاماقتانۋ ۇيىمدارى - كافەلەر، مەيرامحانالار، كاراوكە، بارلار، ساۋدا ورتالىقتارى مەن بازارلار بولىپ وتىر. نۇر- سۇلتان قالاسى اكىمىنىڭ ورىنباسارى باقتيار ماكەن ءموبيلدى توپتار جۇمىسىن كۇشەيتۋدى جانە كاسىپكەرلىك سۋبەكتىلەرىنە كۇندەلىكتى تۇنگى جانە كۇندىزگى رەيدتەر جۇرگىزۋدى، كارانتيندى بۇزۋشىلاردى جاۋاپكەرشىلىككە تارتۋدى تاپسىردى.

«سونىمەن قاتار، COVID-19 ەكىنشى تولقىنى بولعان جاعدايدا ءدارى- دارمەك جەتىسپەۋشىلىگى مەن ءدارىحانالاردا باعانىڭ وسۋىنە جول بەرمەۋ قاجەت. جاۋاپتىلار ءدارى باعاسىن قاتاڭ باقىلاۋعا الۋى كەرەك. باسقا ەلدەردەن كەلەتىندەر ءۇشىن مىندەتتى پ ت ر تەستىلەۋ قاجەت»، - دەدى ب. ماكەن. ماسكا تاعۋ ءتارتىبىن ساقتاماعان ازاماتتارعا دا شارا قولدانىلادى.