قازاقستاننىڭ تۋريستىك كومپانيالارى بانكروتقا ۇشىراۋى مۇمكىن
ءىرى كۋرورتتىق ورىندارداعى دەمالىس نىساندارىنىڭ كوبىسى بوس تۇردى. بۇرىن الاكولدىڭ تەك شىعىس جاعىنا 500 دەن 700 مىڭ تۋريست دەمالسا، بيىل جازدا 20 مىڭ عانا ادام كەلگەن. سوندىقتان وسى سالانىڭ ساراپشىلارى ەلدەگى تۋريستىك سالاداعى كاسىپكەرلەرگە ءوز ىستەرىن ءارتاراپتاندىرۋدى ۇسىنىپ وتىر. شىعىستا بۇرىن جولداما ساتۋمەن اينالىساتىن 80 نەن اسا اسا تۋريستىك كومپانيا بولسا، بيىل سونىڭ تەڭ جارتىسى بانكروت بولدى. اقپان ايىنا دەيىن عانا قارقىندى جۇمىس ىستەپ كەلدى. پاندەمياعا بايلانىستى ناۋرىزدان باستاپ قاتاڭ كارانتيندىك ەرەجە ەنگىزىلگەندىكتەن اگەنتتىكتەر جۇمىسىن مامىر ايىنا دەيىن توقتاتتى. تەك ماۋسىم ايىنان باستاپ بىرتىندەپ ىشكى تۋريستىك ورىندارعا جولداما ساتا باستاعان. ءبىراق ونىڭ ءوزى بۇرىنعىداي بولمادى.
ماريا رۋسينا، تۋريستىك اگەنتتىكتەر قاۋىمداستىعىنىڭ وكىلى:
- دەمالىس ورىندارىن بىرەسە اشتى، بىرەسە جاپتى. ودان سوڭ پ ت ر تەستتەردى دە بىرسە ەنگزدى، بىرەسە قاجەت جوق دەدى. وتە كوپ ادام الدىن- الا الىپ قويعان جولدامالارىن قايتارىپ تاستادى. ءبىز جالپى قاڭتار ايىنان باستاپ جولدما ساتىپ كەلگەمىز. وعان قوسا الاكولگە بۇرىن تۋريستەردىڭ 40-50 پروتسەنتى رەسەيدەن كەلەتىن. بيىل شەكارا جابىق بولدى. شەكارا جابىق بولعانمەن ىشكى دەمالىس نىساندارى ماۋسىمنان باستاپ اشىلدى. تەك 50 پروتسەنت عانا قابىلداۋ مىندەتى جۇكتەلدى.
ايدىندى الاكول. مۇندا ماۋسىمنان قىركۇيەككە دەيىن دەمالىس ورىندارىنان تۋريستەر ۇزىلمەيتىن. بيىلعى جاعداي مۇلدە باسقاشا. تەك الاكول ەمەس وبلىستاعى باسقا دەمالىس ورىندارى دا تابىستان ايتارلىقتاي قاعىلدى. وسى سالادا 20 جىلدان كاسىپتەن ءناسىپ تاۋىپ كەلە جاتقان الەكساندر چيليكين تۋريزم بيزنەسىن تەك ماۋسىمدىق تابىس كوزىمەن عانا ولشەۋگە بولمايتىنىن ايتادى. بۇل سالاعا قارجى سالعان كاسىپكەر جىل ون ەكى اي جۇمىس ىستەيتىندەي جوبا جاساۋى ءتيىس. وعان قوسا مەملەكەتتەن سۋبسيديا بەرىلگەن ءجون دەپ سانايدى.
الەكساندر چيليكين، تۋريستىك نىسان ديرەكتورى:
- ماسەلەن، مەملەكەتتەن بەرىلگەن سۋبسيديانى ءبىز الماۋىمىز كەرەك. ول قارجى جولداما رەتىندە الەۋمەتتىك الەۋەتى ءالسىز ازاماتتارعا بەرىلەدى. ولار سول جولدامامەن بىزگە كەلەدى. مۇنداي تاجىريبە تۇركيادا بۇرىنان بار. ال كورشى رەسەي دە ەنگىزدى. بولىنگەن سۋبسيديا ارقىلى تۋريستىك سالا دامىسا، مەملەكەتكە قارجى قايتا قايتادى. قارجىنى قايتا قايتارۋ ءۇشىن قازىر مەملەكەت ناقتى تۋريستىك باعىتتار انىقتالعان جەرلەردىڭ ينفروقۇرلىمىن جوندەپ بەرەدى. تەك بىلتىردان بەرى الاكول اۋماعىن دامىتۋعا 6 ميلليارد تەڭگە ءبولىندى. كاسىپكەرلەردى قولداۋدىڭ دا ءتىزىمى جاسالىپ جاتىر.
مارات قاباقوۆ، وبلىستىق تۋريزم جانە سىرتقى بايلانىستار باسقارماسىنىڭ باسشىسى:
- ەندى كاسىپكەرلەردى قولداۋ بويىنشا ءقازىر ۇكىمەتتە ءتىزىم شارالارى قاراستىرىلۋدا. ءالى ونى ناقتى كريتەريلەرى بەكىتىلگەن جوق. ايتۋ ءالى ەرتە. ءبىراق ەنگىزىلۋ قاراستىرىلۋدا. پروريتەت قويۋ كەرەكپىز. سول پروريتەت الاكول بولىپ وتىر. الدىمەن الاكولدى وڭىنا دەيىن جەتكىزىپ دامىتىپ، سودان كەيىن ارى قاراي باسقا تۇرلەرىن دامىتۋدى ويلاستىرىپ وتىرمىز. ويلاستىرىلعان جوبالاردىڭ ءبىرى «اقنيەت» دەپ اتالادى. ول بويىنشا تۋريستىك سالاداعى كاسىپكەرلەرگە جىلدىق ءوسىمى 8 پروتسەنتتەن اسپايتىن نەسيە بەرىلۋى مۇمكىن.
www.24.kz