ديماش الەمدەگى اشتىقتا قالعان بالالارعا كومەكتەسپەك

نۇر-سۇلتان. قازاقپارات - الەمگە ايگىلى قازاقستاندىق ءانشى ديماش قۇدايبەرگەن جاڭا ناۋقان باستالعانىن جاريالادى: ءانشى بۇكىل الەمدەگى اشتىقتا قالعان بالالارعا كومەكتەسپەك.

ءانشى ديزاينەر مايكل كورسپەن بىرگە الەمدەگى اشتىقتىقتا قالعان پروبلەماسىمەن كۇرەسەدى.

«مەن دۇنيەجۇزىلىك ازىق- تۇلىك باعدارلاماسىمەن (WFP) بىرگە #FoodIsLove باستاماسىن قولدايتىندىعىما قۋانىشتىمىن. ولاردىڭ ميسسياسى الەمدەگى بالالاردى تاماقتاندىرۋ ارقىلى اشتىقتى تولىعىمەن توقتاتۋ. اسىرەسە، پاندەميا كەزىندە وسىنداي جاقسىلىق جاساۋعا دايىنمىن»، - دەپ جازدى قۇدايبەرگەن.

ۆيدەودا ديماش اق ءتۇستى فۋتبولكا كيىپ تۇر. ونى سول جاعىندا جۇرەكشە بەينەسىندە Love دەپ جازىلعان.

اتاقتى ديزاينەردىڭ فۋتبولكالارى ساتىلىمدا بولادى. فۋتبولكالاردان تۇسكەن بارلىق قاراجات WFP ءدى قولداۋعا جىبەرىلەدى.

«مايكل كورس تەگىمەن #WatchHungerStop فۋتبولكاسىنىڭ سۋرەتىن جاريالاۋ ارقىلى ماعان قولداۋ كورسەتىڭىز. Michael Kors تۋرالى ءار پوست پەن ستوريز ءۇشىن ب ۇ ۇ- نىڭ دۇنيەجۇزىلىك ازىق- تۇلىك باعدارلاماسىنا تۇسكى استان 50 تاماق بولەدى»، - دەپ ديماش وقىرماندارعا ءتۇسىندىردى.

دۇنيەجۇزىلىك ازىق- تۇلىك باعدارلاماسى (WFP نەمەسە World Food Programme (WFP) ) - الەمدەگى ەڭ ءىرى گۋمانيتارلىق ۇيىم، ول مۇقتاج جاندارعا جىل سايىن شامامەن 4 ميلليون توننا ازىق- تۇلىك بەرەدى.

مايكل كورس - الەمگە ايگىلى ءساندى اكسەسسۋارلار مەن كيىم ديزاينەرى. 1981 -جىلى قۇرىلعان. قازىرگى ۋاقىتتا Michael Kors Collection, MICHAEL Michael Kors جانە Michael Kors Men’sەرلەردىڭ برەندىمەن ءبىرقاتار ونىمدەر شىعارادى.