16:40, 08 - قازان 2020 | GMT +6
اقتاۋلىق جاراتىلىسى بولەك قىز امەريكالىق ءونىمنىڭ جارنامالىق روليگىنە ءتۇستى
اقتاۋ. قازاقپارات- اقتاۋلىق ەرەكشە كەلبەتىمەن تانىلعان البينوس قىز اسەل قالاعانوۆا شاشقا ارنالعان امەريكالىق ءونىمنىڭ جارنامالىق روليگىنە ءتۇستى، دەپ حابارلايدى قازاقپارات ءتىلشىسى.
ءبىر ميۋنتتىق بەينەكروليكتە اقتاۋدان بولەك، ەلىمىزدىڭ باسقا دا ادەمى جەرلەرى تۇسىرىلگەن. وپەراتورى - كينو يندۋسترياسىنداعى تانىمال كليپمەيكەر ازامات دۋلاتوۆ. ۆيدەو الەۋمەتتىك جەلىدە جاريالانا سالىسىمەن جەلى قولدانۋشىلارىنىڭ وڭ باعاسىن الدى.
اقتاۋداعى قالاعانوۆتار وتباسىنداعى ەرەكشە ەكى قىز دۇنيەگە كەلگەن. اسەل مەن كاميلانىڭ اراسى 13 جاس. جەتكىنشەكتەردىڭ اقشىل ءتۇستى قاس-كىرپىگى مەن شاشى سىرت كوزگە بىردەن بايقالادى. ءبىر قىزىعى، ولاردىڭ باۋىرى الدياردا مۇنداي ەرەكشەلىگى جوق. جاراتىلىسى بولەك قىزدار بۇگىندە كوپتىڭ نازارىندا.
ماسەلەن، اسەل قالاعانوۆا 10 جاسىنان مودەلدىك مەكتەپتە وقىپ، بىرنەشە رەت جارناما تۇسكەن.
اۆتور: قاراكوز مارات