ۇلتتىق بانك تەڭگەنىڭ دوللارعا قاتىستى السىرەۋى مەن رۋبلدىڭ نىعايۋ سەبەپتەرىن اتادى

الماتى. قازاقپارات – ق ر ۇلتتىق بانكى تەڭگەنىڭ دوللارعا قاتىستى السىرەۋىنىڭ جانە رۋبلگە قاتىستى نىعايۋىنىڭ سەبەپتەرىن اتادى، دەپ حابارلايدى قازاقپارات ءتىلشىسى.

ۇلتتىق بانك ءتوراعاسىنىڭ ورىنباسارى ءاليا مولدابەكوۆا ۆاليۋتا باعامدارىنىڭ قالىپتاسۋى سىرتقى جانە ىشكى فاكتورلارعا تاۋەلدى ەكەنىن اتاپ ءوتتى. سونىمەن قاتار كەيبىر سىرتقى فاكتورلار الەمدىك ۆاليۋتالاردىڭ بۇكىل كلاسى ءۇشىن جۇيەلىك بولۋى مۇمكىن.

«سوڭعى ۋاقىتتا تاۋەكەل دارەجەسىنىڭ تومەندەۋى دامۋشى نارىقتاردان قورعانىس اكتيۆتەرىنىڭ پايداسىنا كاپيتالدىڭ اكەتىلۋىنە جانە تيىسىنشە كوپتەگەن Emerging markets ۇلتتىق ۆاليۋتالارىنىڭ السىرەۋىنە الىپ كەلدى. ولاردىڭ اراسىندا «كوشباسشىلار» دا بار. اتاپ ايتقاندا، رەسەي رۋبلى»، - دەدى ول. بۇدان بولەك، ينۆەستورلار قىزىعۋشىلىعىنىڭ جاھاندىق تومەندەۋىمەن قاتار رۋبلگە جەكەلەگەن ەرەكشە فاكتورلار دا اسەر ەتتى.

ولاردىڭ ىشىندە، بەلارۋستاعى جاعداي مەن قاراباق قاقتىعىسى ايماعىنداعى احۋال اياسىندا گەوساياسي تاۋەكەلدەردىڭ كۇشەيگەنىن، سونداي-اق سانكسيالىق ريتوريكانىڭ شيەلەنىسكەنىن اتاپ كورسەتۋگە بولادى.

«جاعىمسىز فاكتورلاردان باسقا، رۋبلدى قولدايتىن فاكتورلار دا بولدى. ۇكىمەتتىڭ ۆاليۋتالىق ديرەكتيۆاسىنا سايكەس كومپانيالارعا مەملەكەتتىڭ قاتىسۋىمەن تازا ۆاليۋتالىق اكتيۆتەر مولشەرىن شەكتەۋ تاپسىرىلدى، بۇل قوسىمشا ۆاليۋتا ۇسىنىسىن تۋدىرادى. وعان قوسا، رفوب سبەربانك اكسيالارىنىڭ پاكەتىن ساتۋدان تۇسكەن ۆاليۋتا قالدىقتارىن ساتۋعا قايتا ورالدى. جالپى رۋبل جىل باسىنان بەرى دوللارعا قاتىستى %26,5 عا السىرەدى، بۇل رەتتە تەك قىركۇيەكتە عانا %4,9 عا السىرەدى. وسى كەزەڭدەردە تەڭگە تيىسىنشە %12,3 عا جانە %2,8 عا السىرەدى»، - دەپ اتاپ ءوتتى ءاليا مولدابەكوۆا.

ءارتۇرلى السىرەۋ قارقىنى تەپە-تەڭدىككە اسەر ەتتى. ەگەر جىلدىڭ باسىندا رۋبلدى 6,2 تەڭگەگە ساتىپ الۋعا بولاتىن بولسا، سوڭعى ۋاقىتتا ءبىر رۋبلدىڭ قۇنى 5,5- 5,6 تەڭگەنى قۇرادى. سونىمەن قاتار، ول تەڭگەنىڭ رۋبلگە قاتىستى السىرەۋى ىقتيمالدىعى تۋرالى ايتتى.

«رەسەي قازاقستاننىڭ ەڭ ءىرى ساۋدا ارىپتەسى بولىپ تابىلاتىنىن ەسكەرە وتىرىپ، تەڭگە باعامىنىڭ قالىپتاسۋىنا ءرۋبلدىڭ ايتارلىقتاي اسەر ەتەتىنى بەلگىلى. ءبىراق تەك رۋبلگە عانا قىسىم جاسايتىن رەسەيگە عانا ءتان سانكسيالىق فاكتورلار تەڭگەگە اسەر ەتپەيدى. سوندىقتان تەڭگە باعامىنىڭ سەرپىنى رۋبل سەرپىنىنە ىلەسە المايدى. تەڭگە باعامى ەڭ الدىمەن ىرگەلى سىرتقى جانە ىشكى فاكتورلار نەگىزىندە قالىپتاساتىن بولادى، ولاردىڭ نەگىزگىسى مۇناي باعاسى»، - دەدى بانك وكىلى.

ونىڭ ايتۋىنشا، قىركۇيەكتە ق ر قارجى مينيسترلىگىنىڭ وبليگاتسيالارى رەسەي نارىعىندا ءساتتى ورنالاستىرىلدى.

«رەسەيدەن كەلەتىن يمپورت كولەمى ەكسپورتتان ەداۋىر اسىپ تۇسەدى، بۇل يمپورتتاۋشىلار تاراپىنان رۋبلگە تۇراقتى سۇرانىستى تۋدىرادى جانە ىشكى ۆاليۋتا نارىعىنداعى سۇرانىس پەن ۇسىنىستىڭ تەڭگەرىمسىزدىك سەبەپتەرىنىڭ ءبىرى بولىپ تابىلادى. بۇل ەكىنشى دەڭگەيدەگى بانكتەردى ترانزيتتىك ۆاليۋتا رەتىندە ا ق ش دوللارىن پايدالانا وتىرىپ ەسەپ ايىرىسۋدى جۇزەگە اسىرۋعا ءماجبۇر ەتەدى»، - دەدى ول.

ۇلتتىق بانك تەڭگە ءۇشىن نەگىزگى ىرگەلى فاكتور - مۇناي نارىعىنداعى احۋالدى دا مۇقيات قاداعالاپ وتىرادى. ازيا ايماعىنداعى ساتىپ الۋشىلار ءۇشىن Arab Light نەگىزگى سۇرىپىنا قاراشا ايىندا ساۋد ارابياسىنىڭ رەسمي باعالاردىڭ كوتەرىلۋى ەنەرگەتيكالىق نارىق ءۇشىن جاعىمدى جاڭالىق بولدى.

«الايدا، مۇناي باعاسىنىڭ نەگىزگى تاۋەكەلدەرى الەمدىك سۇرانىستىڭ كۇتىلگەننەن باياۋ قالپىنا كەلۋى، پاندەميامەن بايلانىستى جاعدايدىڭ ناشارلاۋى، وپەك+ ەلدەرى كەيبىر مۇشەلەرىنىڭ ءوندىرىس كۆوتالارى بويىنشا شەكتەۋلەردى ساقتاماۋى جانە ليۆيادا مۇناي ءوندىرىسىن ءىشىنارا قالپىنا كەلتىرۋ بولىپ قالا بەرەدى. دامۋشى ەلدەر، اسىرەسە مۇناي ەكسپورتتاۋشى ەلدەر مەن قازاقستاننىڭ ساۋدا ارىپتەستەرى ۆاليۋتالارىنىڭ سەرپىنى دە تەڭگە باعامىنا اسەر ەتەتىن بولادى»، - دەدى ءاليا مولدابەكوۆا.

اۆتور: الما مۇقانوۆا