دانيار ەلەۋسىنوۆ رينگكە قاشان شىعاتىنى جاريالاندى
«27- قاراشا، فلوريدا، گولليۆۋد. «حارد روك» كازينوسىندا بوكس كەشى وتەدى. قۇداي قالاسا سول كەشتە مەن دە ونەر كورسەتەتىن بولامىن»، - دەپ جازدى بوكسشى Instagram-داعى پاراقشاسىندا.
قازاقستاندىق سپورتشىنىڭ كەزەكتى ايقاسى تۋرالى ونىڭ مەنەدجەرى زيا الييەۆ تە Instagram-دا انونس جاسادى. ءمالىم بولعانداي، دانيار ەلەۋسىنوۆتىڭ قارسىلاسى - WBA Super، IBF جانە IBO نۇسقالارى بويىنشا ءبىرىنشى ورتا سالماقتاعى الەمنىڭ بۇرىنعى چەمپيونى، ناميبيالىق دجۋليۋس يندونگو (23-2, 12 ك و). بوكس كەشى گولليۆۋدتاعى (ا ق ش، شتات فلوريدا) Seminole Hard Rock Hotel and Casino ارەناسىندا وتەتىنى بۇعان دەيىن حابارلانعان بولاتىن.
ايتا كەتەيىك، ەلەۋسىنوۆ- ينديگو جەكپە- جەگى ءساۋىر ايىندا ۇيىمداستىرىلۋى ءتيىس ەدى. الايدا، پاندەمياعا بايلانىستى كەيىنگە شەگەرىلدى. دانيار سوڭعى جەكپە- جەگىن وتكەن جىلدىڭ جەلتوقسانىندا وتكىزدى. ول امەريكالىق الان سانچەستى (20-5-1، 10 ك و) بەسىنشى راۋندتا تەحنيكالىق نوكاۋتپەن جەڭدى.
اۆتور: ميرا تولەندى قىزى