دۇنيەجۇزىلىك بانك قازاقستان ۇكىمەتىنىڭ جۇمىسىنا وڭ باعا بەردى
WGI - دۇنيەجۇزىلىك بانك توبىنىڭ الەم ەلدەرىنىڭ مەملەكەتتىك باسقارۋ ساپاسى مەن تيىمدىلىگى سالاسىنداعى جەتىستىكتەرىن باعالايتىن كەشەندى زەرتتەۋى. زەرتتەۋ ادىستەمەسىندە مەملەكەتتىك باسقارۋ ساپاسىنىڭ بارلىق باستى پارامەترىن كەشەندى تۇردە كورسەتەتىن نەگىزگى التى ينديكاتور قولدانىلادى. جاڭارتىلعان ەسەپتە قازاقستان 6 كورسەتكىشىنىڭ بەسەۋىن جاقسارتقان:
1. ۇكىمەت جۇمىسىنىڭ تيىمدىلىگى؛
2. رەگۋلياتورلىق كليمات ساپاسى؛
3. ساياسي تۇراقتىلىق؛
4. زاڭنىڭ ۇستەمدىگى؛
5. جەمقورلىقپەن كۇرەس. دۇنيەجۇزىلىك بانك بيلىك ينستيتۋتىن نىعايتۋ، ونىڭ تيىمدىلىگىن، اشىقتىعى مەن بولجامدىلىعىن ارتتىرۋ بويىنشا ۇكىمەتتىڭ ءبىرىزدى جۇمىسىن جوعارى باعالاپ وتىر. زەرتتەۋگە سايكەس، ۇكىمەتتىڭ جۇمىسىنىڭ تيىمدىلىگى مەملەكەتتىك اپپارات جۇمىسىنىڭ ساپاسى جانە ساياسي، ەكونوميكالىق باعدارىنداعى تۇراقتىلىعى، سونىمەن قاتار حالىققا بازالىق مەملەكەتتىك قىزمەتتەردى كورسەتۋ كەزىندە (كولىك، ينفراقۇرىلىم) قاناعاتتانۋشىلىق دەڭگەيىنىڭ ەسەبىنەن كورسەتكىشى جاقسارعان. رەگۋلياتورلىق كليمات ساپاسى بويىنشا قازاقستان بىرنەشە جىل بويى قالعان بەس كورسەتكىشتەن قاراعاندا جاقسىراق ناتيجەگە قول جەتكىزىپ كەلەدى.
2019 -جىلى قازاقستان بيزنەس جۇرگىزەتىن شەتەلدىك ينۆەستورلاردىڭ تاۋەكەلدەرىن ازايتۋ بويىنشا ءتيىمدى شارالارىنىڭ ارقاسىندا ءوز پوزيتسياسىن جاقسارتقان ەدى. بانك سونىمەن قاتار بيلىكتىڭ ساباقتاستىعى جولعا قويىلىپ، ىشكى جانە سىرتقى قاقتىعىستار بولماعاندىقتان ەلدەگى ساياسي تۇراقتىلىق كورسەتكىشىنىڭ جاقسارعانىن اتاپ وتەدى. زاڭنىڭ ۇستەمدىگى كورسەتكىشى بويىنشا داۋدى رەتتەۋدىڭ بالامالى جۇيەسىن دامىتۋ، قۇقىقتىڭ قورعالۋىن قامتاماسىز ەتۋ جانە ازاماتتىق، قىلمىستىق زاڭنامانىڭ جەتىلدىرىلۋى ەسەبىنەن پروگرەس بارى بايقالعان.
جەمقورلىقپەن كۇرەس ينديكاتورى بيزنەس جۇرگىزۋدە جەمقورلىق قاۋپىنىڭ تومەندەۋى ەسەبىنەن جاقسارعان. جالپى WGI ەسەبىن ۇلتتىق ەكونوميكالار بولجامى مەن نەسيە باعالاۋىن قالىپتاستىرۋ ءۇشىن جەتەكشى حالىقارالىق قارجى ۇيىمدارى، دامۋ ينستيتۋتتارى مەن رەيتينگ اگەنتتىكتەرى پايدالانادى. سونىمەن قاتار، Fitch رەيتينگ اگەنتتىگىنىڭ زەرتتەۋى دە ۇلتتىق ەكونوميكانى «ۆۆۆ» دەڭگەيىندە بەكەمدەپ، ۇكىمەت جۇمىسىنىڭ تيىمدىلىگىن اتاپ وتكەن.