تۇرىكمەنستان پرەزيدەنتى تەلەديدار، تەلەفون مەن روۋتەرگە جاڭا اتاۋ ويلاپ تاپتى
تۇرىكمەنستاننىڭ يندۋستريا جانە قۇرىلىس ءوندىرىسى ءمينيسترى، پرەزيدەنتتىڭ ۇلى سەردار بەردىمۇحامەدوۆ وتاندىق ەلەكترونيكا ونەركاسىبىنىڭ دامۋى جانە يمپورتتى الماستىراتىن ونىمدەر ءوندىرىسى تۋرالى حابارلاعان.
ول اكەسىنە الداعى تۇرىكمەن ەلەكتروندى ونىمدەرىنىڭ ۇلگىلەرىن - سمارت تەلەديدارلار، ەكى سيم كارتالى ۇيالى تەلەفوندار، سمارتفون، مونوبلوك، سپليت- كونديتسيونەر، سۋدى سالقىنداتۋعا جانە جىلىتۋعا ارنالعان سالقىنداتقىشتاردى تانىستىرعان.
«يندۋستريا ءمينيسترى ەلەكتروندى ونەركاسىپ ونىمدەرىنىڭ ەرەكشەلىكتەرى مەن قولدانىستاعى تەحنولوگيالار تۋرالى ايتتى. مينيستر ولاردى كومپيۋتەرلەرگە قوسۋ مۇمكىندىگى جانە ولاردى ءبىر پۋلت ارقىلى باسقارۋ مۇمكىندىگى تۋرالى حابارلادى»، - دەلىنگەن باسىلىم حابارلاماسىندا.
ارتىنشا سەردار بەردىمۇحامەدوۆ پرەزيدەنتتەن جاڭا تەلەديدارلارعا، كومپيۋتەرلەر مەن ۇيالى تەلەفوندارعا اتاۋ بەرۋىن سۇرادى.
مەملەكەت باسشىسى ۇسىنىلعان 65 ديۋيمدىك سمارت تەلەديداردى «Älem «، ال ەلدە شىعارىلاتىن مونوبلوك كومپيۋتەرىن «Şowly « دەپ اتاۋ ورىندى بولاتىنىن ايتقان. سونىمەن قاتار، سمارتفونعا «Milli»، ال ەكى سيمكارتالى ميني تەلەفوندارعا «Körpe « دەگەن اتاۋ ۇسىنىلدى. سونداي- اق، پرەزيدەنت كەڭىنەن قولدانىلاتىن روۋتەرلەرگە كۇندەلىكتى ومىردە قولدانىلاتىن سالقىنداتقىشتارعا «Teşne «، ال سپليت- كونديتسيونەرلەرگە «Mylaym» دەگەن اتاۋ بەرۋ كەرەك دەپ كەڭەس بەردى.
28:15
تەن باستالادى: