ا ق ش- تىڭ تەلەارناسىندا ديماشتىڭ قازاق تىلىندەگى كليپى كورسەتىلدى

None
None
نۇر- سۇلتان. قازاقپارات – ا ق ش- تىڭ MTV USA ارناسىندا ديماش قۇدايبەرگەننىڭ قازاق تىلىندەگى بەينەبايانى كورسەتىلدى.

وسىلايشا ديماش - MTV ارناسىنان قازاق تىلىندە ءان سالعان تۇڭعىش ءانشى بولدى، دەپ حابارلايدى قازاقپارات ءتىلشىسى.

تەلەارنادا جانە ارنانىڭ YouTube-تەگى رەسمي پاراقشاسىندا «MTV’s Friday Livestream» باعدارلاماسىندا ديماشتىڭ «Qairan Elim» ءانىنىڭ بەينەبايانى كورسەتىلدى. ديماشتىڭ MTV- دەگى تۇساۋكەسەرىن Dimash USA fan Club جانكۇيەرلەرىنىڭ Instagram پاراقشاسىنان تاماشالاۋعا بولادى.


سونىمەن بىرگە، ا ق ش- تىڭ قازاقستانداعى ەلشىلىگى دە ءانشى مەن ونىڭ جانكۇيەرلەرىن امەريكالىق ارناداعى تابىسىمەن قۇتتىقتادى.

«ديماش «MTV’s Friday Livestream» باعدارلاماسىنداعى ەڭ سۇرانىسقا يە ءارتىس اتاندى»، - دەپ جازدى ەلشىلىك. بەينەباياندى MTV USA ارناسىنىڭ رەسمي YouTube جەلىسى ارقىلى الەمنىڭ كەز- كەلگەن ەلى تاماشالاي الادى.

«مەنىڭ تىڭدارماندارىما، الەمنىڭ ءار تۇپكىرىندەگى مەنىڭ ونەرىمدى باعالايتىن جانكۇيەرلەرىمە شىن جۇرەگىممەن العىس ايتامىن. ولار مەنىڭ بالا ارمانىمنىڭ ورىندالۋىنا سەبەپكەر بولدى. قازاقستان عانا ەمەس، تورتكۇل دۇنيەدەگى Dear- لارىمنىڭ قولداۋىنا رازىمىن. قۇرمەتىم مەن العىسىم شەكسىز»، - دەپ ديماش ءوز لەبىزىن ءبىلدىردى.


بەينەبايان نيۋ- يورك ۋاقىتىمەن جۇما كۇنى 17:00 مەن 20:00 ارالىعىندا، ال نۇر- سۇلتان ۋاقىتىمەن تۇنگى 03:00 مەن تاڭعى 06:00 ارالىعىندا كورسەتىلدى. بۇل - امەريكاداداعى پرايم- تايم ۋاقىت. ءدال وسى ۋاقىتتا MTV ارناسىن ەڭ كوپ كورەرمەن قارايدى.

سوڭعى جاڭالىقتار