الماتى - «شەتسىز قالا»: اسەت ماسابايەۆ اتقارىلىپ جاتقان جۇمىستاردى اتادى

الماتى. قازاقپارات - الماتى قالاسى مەدەۋ اۋدانىنىڭ اكىمى اسەت ماسابايەۆ ونلاين بريفينگ بارىسىندا اۋداندا اتقارىلىپ جاتقان جۇمىستار تۋرالى ايتىپ بەردى، دەپ حابارلايدى قازاقپارات ءتىلشىسى.

«الماتى-2050 دامۋ ستراتەگياسىنا سايكەس 7 نەگىزگى باسىمدىقتىڭ ءبىرى - «شەتسىز قالا». وسىعان بايلانىستى، ءبىزدىڭ الدىمىزدا «اق قايىڭ»، «كولساي»، «سۇلۋساي»، «الاتاۋ»، «مۇزتاۋ»، «دۋمان» شاعىن اۋداندارى مەن كامەنسكوە پلاتو تۇرعىن الابىن دامىتۋ مىندەتى تۇر»، — دەدى اسەت ماسابايەۆ.

سونىمەن قاتار، ول «دۋمان» ىقشاماۋدانىڭدا جالپى ۇزىندىعى 37 شاقىرىم بولاتىن سۋمەن جابدىقتاۋ جانە كارىز جەلىلەرىن تارتۋ جۇمىستارىنىڭ اياقتالعانىن اتاپ ءوتتى.

«كولساي» مەن «مۇزتاۋ» ىقشاماۋداندارىندا جالپى ۇزىندىعى 14 شاقىرىم بولاتىن سۋمەن جابدىقتاۋ جانە كارىز جۇيەسى ينجەنەرلىك جەلىلەرىن تارتۋ جۇمىستارى جۇرگىزىلۋدە.

جۇمىستىڭ اياقتالۋ مەرزىمى 2021-جىلدىڭ ناۋرىز ايى. كامەنسكوە پلاتو ىقشاماۋدانىندا، سۋ قويماسىن سالۋ قولعا الىندى. جالپى ۇزىندىعى 15,5 شاقىرىم بولاتىن سۋمەن جابدىقتاۋ جانە كارىز ءۇشىن ينجەنەرلىك جەلىلەردى تارتۋ 2021-جىلدىڭ 1- جارتىسىندا باستالادى دەپ جوسپارلانعان»، - دەدى ول.

ونىڭ ايتۋىنشا، جوعارىدا اتالعان جوبالاردىڭ بارلىعى جۇزەگە اسىرىلسا شامامەن 2500 ءۇي نەمەسە 7 مىڭ تۇرعىن اۋىز سۋمەن جانە كارىز جۇيەسىمەن قامتاماسىز ەتىلەدى. مەدەۋ اۋدانىنىڭ ءبىرقاتار كوشەلەرىندە ەلەكترمەن جابدىقتاۋدىڭ ينجەنەرلىك جەلىلەرىن تارتۋ، جاڭعىرتۋ بويىنشا جۇمىستار جۇرگىزىلۋدە.

«سونىمەن قاتار، اۋداندا كىشى الماتى وزەنىنىڭ جاياۋ جۇرگىنشىلەر ايماعىن اباتتاندىرىلىپ جاتىر. ەسەنتاي وزەنىڭ جاعالاۋى قالپىنا كەلتىرىلۋدە. بۇل جۇمىستار 2021 تولىق اياقتالادى. ال، تىكساي وزەن ارناسىن قالپىنا كەلتىرۋ جۇمىسى دا نازاردا 2022-جىلعا جوسپارلانعان تىس قالعان جوق»، - دەدى سپيكەر.

مەدەۋ اۋدانى اكىمىنىڭ ايتۋىنشا، بۇگىنگى كۇنى ينتەرنەت جانە ۇيالى بايلانىس 4 باعىتتا جەتىلدىرىلدە.

«الاتاۋ»، «مۇزتاۋ»، «كەنساي» (ءىشىنارا) ىقشاماۋداندارىندا قولدانىستاعى انتەننالاردى جاڭارتۋ جانە قوسىمشا بازالىق ستانتسيالاردى ورناتۋ ارقىلى جۇزەگە اسىرىلۋدا.

سونىمەن بىرگە، وپەراتورلارمەن بىرلەسىپ «كەڭساي» ىقشاماۋدانىندا جانە «ەكران» اۋماعىندا انتەننالار مەن مۇنارا ورناتۋعا ارنالعان ورىنداردى بەلگىلەۋ جۇمىستارى جۇرگىزىلۋدە. اياقتاۋ مەرزىمى - قازان ايى»، - دەدى اكىم.