الەكسەي سوي كوروناۆيرۋسقا قارسى قازاقستاندىق ۆاكتسينانى نەلىكتەن سىناپ كورمەگەنىن ايتتى

نۇر-سۇلتان. قازاقپارات - ورتالىق كوممۋنيكاتسيالار قىزمەتىندە وتكەن ونلاين بريفينگىدە ق ر دەنساۋلىق ساقتاۋ ءمينيسترى الەكسەي سوي كوروناۆيرۋسقا قارسى قازاقستاندىق ۆاكتسينانىڭ كلينيكالىق سىناقتارىنا قاتىسقان-قاتىسپاعانى تۋرالى ايتتى، دەپ حابارلايدى قازاقپارات ءتىلشىسى.

«دەنساۋلىق ساقتاۋ مينيسترلىگىنىڭ ورتالىق اپپاراتىنان قازاقستاندىق ۆاكتسينانى ەشكىم قابىلداماعان. ازىرگە سىناق ناتيجەسىن كۇتىپ وتىرمىز. ناتيجەسى شىققاننان كەيىن سىزدەرگە حاباردار ەتەمىز، ەگۋدى ۇسىنامىز نەمەسە وزىمىزگە دە ەگەمىز»، - دەيدى ق ر دەنساۋلىق ساقتاۋ ءمينيسترى الەكسەي سوي.

ل قازاقستاندىق ۆاكتسينانى نە سەبەپتى وزىنە سىناپ كورمەگەنى تۋرالى ايتتى.

«تيىمدىلىگى مەن قاۋىپسىزدىگى ءالى انىقتالماعاندىقتان ونى وزىمە سالدىرمادىم. ونى قابىلداپ كورۋگە دايىن ەرىكتىلەر بار. ارىپتەستەرىمىزدىڭ ايتۋىنشا، ونى قابىلداپ كورگەندەردىڭ جاعدايلارى جاقسى»، - دەيدى ول.