قازاقستاندا ۆاكتسينا وندىرەتىن زاۋىت سالىنىپ جاتىر - مينيستر

None
None
نۇر-سۇلتان. قازاقپارات - كلينيكالىق سىناقتان وتكەنگە دەيىن كوروناۆيرۋس ۆاكتسيناسىنىڭ باعاسى قانشا بولاتىنى ناقتى بەلگىلى ەمەس.

بۇل تۋرالى ورتالىق كوممۋنيكاتسيالار قىزمەتى الاڭىندا «ق ر د س م وزەكتى ماسەلەلەرى: پاندەميا كەزىندەگى مەديتسينالىق كومەكتىڭ قول جەتىمدىلىگى تۋرالى» تاقىرىپتا وتكەن ونلاين بريفينگىدە ايتىلدى، دەپ حابارلايدى قازاقپارات ءتىلشىسى.

«ءبىز قازاقساتندىق ۆاكتسينادان دا ءۇمىت كۇتەمىز. قازاقستاندىق ۆاكتسينالار كلينيكاعا دەيىنگى سىناقتان ءساتتى وتكەن. ەندى كلينيكالىق سىناقتان ءوتىپ جاتىر. ونى سىناپ كورگىسى كەلەتىن ەرىكتىلەر دە جينالىپ قويدى. سىناقتىڭ 1، 2-ساتىسى قاراشا، جەلتوقسان ايىنا قاراي اياقتالىپ، ناتيجەسىن كورەمىز. سول كەزدە ول ۆاكتسينانىڭ قانشالىقتى ءتيىمدى، قاۋىپسىز ەكەنىن بىلەمىز»، - دەيدى ق ر دەنساۋلىق ساقتاۋ ءمينيسترى الەكسەي سوي.

ونىڭ ايتۋىنشا، قازاقستاندا ۆاكتسينا وندىرەتىن زاۋىت سالىنىپ جاتىر.

«ول زاۋىتتىڭ قازاقستاندىقتاردىڭ قاجەتتىلىكتەرىن وتەۋگە كۇشى جەتەدى. ءوز ۆاكتسينامىز سىناقتىڭ بارلىق ساتىسىنان وتكەن جاعدايدا وسى زاۋىتتان شىعارىلاتىن بولادى. كلينيكالىق سىناقتان وتكەنگە دەيىن ۆاكتسينانىڭ باعاسى قانشا بولاتىنى ناقتى بەلگىلى ەمەس، ءبىراق 2-3 دوللار كولەمىندە بولادى دەپ ويلايمىز»، - دەيدى ول.


سوڭعى جاڭالىقتار