+7 (701) 759 90 19
-1 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

كەزەكشى سىنىپتاعى بالالار قاشىقتان وقۋعا كوشىرىلە مە

1 قازان 19:28
:ءبولىسۋ
كەزەكشى سىنىپتاعى بالالار قاشىقتان وقۋعا كوشىرىلە مە

نۇر- سۇلتان. قازاقپارات – ق ر دەنساۋلىق ساقتاۋ ۆيتسە- ءمينيسترى اجار عينيات كەزەكشى سىنىپتاعى بالالاردى قاشىقتان وقىتۋعا كوشىرۋ مۇمكىندىگىنە قاتىستى ايتتى، دەپ حابارلايدى قازاقپارات ءتىلشىسى.

«باستاۋىش سىنىپتار مەكتەپكە (كەزەكشى سىنىپتارعا) اتا- انالاردىڭ وتىنىشىمەن بارعان بولاتىن. قازىر بالالار مەكتەپتەردە سانيتارلىق تالاپتارعا سايكەس وقىپ جاتىر. اۋامەن تارالاتىن ينفەكتسيا بولعاندىقتان (كوروناۆيرۋس)، بالالار اراسىندا وسى ىندەت بايقالۋدا. ەگەر سىنىپ ىشىندە ءبىر بالا اۋىرعان بولسا، تۇتاس سىنىپ كارانتينگە جابىلادى»، - دەدى اجار عينيات ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا .

سونىمەن قاتار ۆيتسە- مينيستر بالالار ءبىرىنشى توقساندى كەزەكشى سىنىپتاردا وقۋدى جالعاستىراتىنىن اتاپ ءوتتى.

«قازىر ءبىرىنشى توقساننىڭ اياقتالۋىنا ءبىر اي ۋاقىت قالعاندىقتان، بالالاردىڭ ءبىرىنشى توقساندى ءبىتىرۋىن كۇتىپ وتىرمىز. سودان كەيىن ەپيدەميولوگيالىق جاعدايعا بايلانىستى ءتيىستى شەشىم قابىلدانادى»، - دەدى ۆيتسە- مينيستر.

بۇدان بۇرىن حابارلانعانداي، اجار عينيات مەكتەپ وقۋشىلارى اراسىندا كوروناۆيرۋس جۇقتىرۋ جاعدايىنا قاتىستى تۇسىنىك بەردى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات