+7 (701) 759 90 19
8 °С : نۇر-سۇلتان
19 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ەلباسى جانسەيىت تۇيمەبايەۆتى قابىلدادى

1 قازان 18:44
:ءبولىسۋ
ەلباسى جانسەيىت تۇيمەبايەۆتى قابىلدادى

نۇر- سۇلتان. قازاقپارات - قازاقستان حالقى اسسامبلەياسىنىڭ ءتوراعاسى نۇرسۇلتان نازاربايەۆ جانسەيىت تۇيمەبايەۆتى قابىلدادى، دەپ حابارلايدى قازاقپارات elbasy.kz-كە سىلتەمە جاساپ.

كەزدەسۋدە نۇرسۇلتان نازاربايەۆقا قازاقستان حالقى اسسامبلەياسى مەن وڭىرلەردەگى دوستىق ۇيلەرىنىڭ قازىرگى قىزمەتى جايلى اقپارات بەرىلدى.

ەلباسى قازاقستانداعى ازەربايجان مەن ارميان دياسپورالارىنىڭ تاۋلى قاراباحتاعى اسكەري ءىس- ارەكەتتەردى توقتاتۋ جونىندەگى بىرلەسكەن ۇندەۋىن قولدادى. قازاقستاننىڭ تۇڭعىش پرەزيدەنتى قاقتىعىستىڭ ۋشىعۋىنا الاڭداۋشىلىق ءبىلدىرىپ، قازاقستان ءۇشىن دوس مەملەكەتتەر اراسىندا كەلىسسوزدەردى باستاۋدىڭ ماڭىزدىلىعىن اتاپ ءوتتى. بۇل وڭىردەگى جاعدايدى تەزىرەك تۇراقتاندىرۋعا سەپتىگىن تيگىزەدى.

قازاقستان حالقى اسسامبلەياسىنىڭ ءتوراعاسى تاۋەلسىزدىك العان كۇننەن باستاپ حالىقتىڭ بىرلىگى، قوعامداعى تۇراقتىلىق پەن كەلىسىم ەلىمىزدىڭ باستى قۇندىلىعى بولعانىن ايتتى. وسى ورايدا بيىل 25 جىلدىعىن اتاپ ءوتىپ جاتقان قازاقستان حالقى اسسامبلەياسىنىڭ ايرىقشا رولىنە توقتالدى.

ءوز كەزەگىندە قازاقستان حالقى اسسامبلەياسى ءتوراعاسىنىڭ ورىنباسارى ج. تۇيمەبايەۆ ەلباسىنا ەتنوسارالىق قاتىناستار سالاسىنداعى مەملەكەتتىك باسقارۋدى رەفورمالاۋدىڭ جانە تالداۋ جۇمىستارىنىڭ ناتيجەلەرى تۋرالى باياندادى. الەۋمەتتىك زەرتتەۋلەردىڭ سوڭعى مالىمەتتەرىنە سايكەس، قازاقستان حالقىنىڭ 92,4 پايىزى ەتنوسارالىق احۋالدى قولايلى جانە تۇراقتى دەپ باعالاعان، ال 89,2 پايىزى مەملەكەتتىڭ ەلدەگى ەتنوسارالىق كەلىسىمدى ساقتاۋ جونىندەگى ءىس- ارەكەتتەرىن قولداپ وتىر.

سونىمەن قاتار نۇرسۇلتان نازاربايەۆقا قازاقستان رەسپۋبليكاسى كونستيتۋتسياسى مەن قازاقستان حالقى اسسامبلەياسىنىڭ 25 جىلدىعىن ۇيىمداستىرۋ جانە وتكىزۋ جونىندەگى ۇلتتىق ءىس- شارالار جوسپارىنىڭ ىسكە اسىرىلۋى، قازاقستان حالقى اسسامبلەياسىنىڭ 2025 - جىلعا دەيىنگى دامۋ تۇجىرىمداماسىن ىسكە اسىرۋ كەزەڭدەرى مەن پاندەميا كەزىندە ۇيىمداستىرىلعان قايىرىمدىلىق جۇمىستار تۋرالى اقپارات بەرىلدى.

كەزدەسۋ سوڭىندا قازاقستان حالقى اسسامبلەياسىنىڭ ءتوراعاسى ءبىرقاتار ناقتى تاپسىرما بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات